Вы тут

З 20 снежня перастане існаваць ТАА «Твая кватэра»


Ліцэнзіі на права займацца рыэлтарскімі паслугамі агенцтва пазбаўлена за незаконнае рэкламаванне жылля ў арэнду без згоды яго ўласнікаў і адпаведных дагавораў.


Як пісала «Звязда», Міністэрства юстыцыі Беларусі папярэджвала ўсе агенцтвы, што пры нядбайнай працы яны павінны быць гатовыя да адпаведнага пакарання. Тым больш што ў кастрычніку «Твая кватэра» ўжо атрымлівала ад міністэрства прадпісанне аб ліквідацыі выяўленых парушэнняў. Кампанія пісьмова паведаміла Мінюсту, што ўсё выпраўлена. Аднак яе супрацоўнікі працягвалі займацца тымі ж самымі махлярствамі.

Прадстаўнікі агенцтва размяшчалі рэкламу вялікай колькасці аб'ектаў, каб прыцягнуць да сябе больш спажыўцоў. Чалавек, зацікавіўшыся пэўнай кватэрай, плаціў кампаніі 115 рублёў за паслугу, аднак рэальнай дапамогі не атрымліваў, паведамілі ў Мінюсце.

У выніку кіраўнік арганізацыі прыцягнуты да адміністрацыйнай адказнасці. А агент па аперацыях з нерухомасцю пазбаўлена права аказваць рыэлтарскія паслугі. Спецыяліст давала кліентам няпэўную інфармацыю пра кватэры, прапанаваныя да найму. За гэта дзейнасць яе ідэнтыфікацыйнай пластыкавай карткі прыпынена на год.

Не забяспечвалі аказанне рыэлтарскіх паслуг адпаведна патрабаванням заканадаўства і два агенты па аперацыях з нерухомасцю рыэлтарскай арганізацыі «Твая сталіца». Вярнуцца ў прафесію яны змогуць таксама толькі праз год, дадалі ў Мінюсце.

Каб скасаваць заключаны з «Тваёй кватэрай» дагавор на аказанне рыэлтарскіх паслуг, прадстаўнікі міністэрства раяць звяртацца ў гэтае агенцтва. Прынамсі, сама арганізацыя, якая спыняе сваё існаванне, павінна папярэдзіць сваіх кліентаў пра скасаванне дагавораў на працягу трох дзён.

Спажыўцы, якія заключылі дагавор і ўжо аплацілі паслугу, могуць скасаваць яго стандартнымі спосабамі, што павінны быць прапісаны ў дакуменце: шляхам перагавораў або праз судовае рашэнне. Тым, хто ўжо аплаціў паслугу, але не атрымаў яе, агенцтва павінна не толькі скасаваць дагавор, але і вярнуць грошы.

Ірына СІДАРОК

sіdarok@zvіazda.by

Загаловак у газеце: Рэклама без згоды — падстава для праблем

Выбар рэдакцыі

Грамадства

АЭС у Астраўцы гатова да імітацыі работы ядзернага рэактара

АЭС у Астраўцы гатова да імітацыі работы ядзернага рэактара

Першы энергаблок Беларускай АЭС гатовы на 95 %, другі — на 70 %. 

Грамадства

У Мінску прайшоў фінал ІV Рэспубліканскага конкурсу «Сям'я года»

У Мінску прайшоў фінал ІV Рэспубліканскага конкурсу «Сям'я года»

Самыя актыўныя і пазітыўныя шматдзетныя сем'і з усіх абласцей краіны сабраліся ў сталічным Палацы культуры прафсаюзаў.

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску.