Вы тут

«Звязда» праводзіць «грашовыя» конкурсы


Разыгрываць прызы сярод падпісчыкаў ужо стала добрай «звяздоўскай» традыцыяй. Але хочацца парадаваць і тых, дзякуючы каму газета штодня даходзіць да чытача. А менавіта паштальёнаў. Каб адзначыць самых актыўных і адданых з іх, «Звязда» запускае некалькі конкурсаў.


Адзін з іх — «Прыз — рупліваму паштальёну». Удзельнік павінен падпісаць на «Звязду» максімальную колькасць людзей (ці арганізацый) на першы квартал або першае паўгоддзе 2018 года. Пры гэтым рост колькасці падпісчыкаў мусіць складаць не менш як 10 чалавек у параўнанні з паказчыкам на 1 студзеня 2017-га. Грашовы прыз — 500 рублёў. Усяго будзе выбрана сем пераможцаў (ад кожнай вобласці і Мінска).

Да ўдзелу ў конкурсе на найлепшага арганізатара падпіскі запрашаюцца кіраўнікі вузлоў сувязі і вытворчасці «Мінская пошта». Каб пазмагацца за галоўны прыз, трэба забяспечыць на першага студзеня наступнага года аднаўленне тыражу нашай газеты ў сябе на месцы на 100 працэнтаў і больш у параўнанні з тыражом на гэтым жа вузле на 1 студзеня 2017-га. Кожны, хто выканае ўмовы, атрымае 200 рублёў. Калі тыраж па раёне аднавіўся больш чым на 100 працэнтаў (і пры гэтым вырас не менш як на 10 экзэмпляраў), пасля паказчыка 101% за кожны дадатковы працэнт сума ўзнагароды павялічваецца на пяць рублёў.

Прыз будзе разыгрывацца і сярод найлепшых грамадскіх распаўсюджвальнікаў. Для гэтага неабходна падпісаць на «Звязду» максімальную колькасць людзей на першы квартал ці першае паўгоддзе наступнага года. Пры гэтым агульная колькасць падпісчыкаў не павінна быць ніжэйшай за 10 чалавек. Ад кожнай вобласці і Мінска выберуць па адным пераможцы, якія атрымаюць па 100 рублёў.

Для правядзення розыгрышу ўсе звесткі кіраўнікі аддзяленняў сувязі і раённых вузлоў павінны накіраваць у РУП «Белпошта» (упраўленне распаўсюджвання друкаваных СМІ) да 25 студзеня 2018 года. На канверце трэба паставіць адпаведную паметку — «Конкурс «Прыз — рупліваму паштальёну / найлепшым арганізатарам падліскі / найлепшым грамадскім распаўсюджвальнікам».

Розыгрыш прызоў адбудзецца 9 лютага ў 12 гадзін у рэдакцыі «Звязды» па адрасе вуліца Б. Хмяльніцкага, 10А. Даведкі, якія датычацца конкурсаў, можна атрымаць па тэлефоне (017) 337 44 04.

Усім удзельнікам жадаем удачы, лёгкасці ў нагах і бясконцага абаяння!

Наталля ЛУБНЕЎСКАЯ

lubnеuskауа@zvіаzdа.bу

Загаловак у газеце: Падпішы на газету — выйграй прыз

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.