Вы тут

У Гродне пройдзе абласны этап конкурсу "100 ідэй для Беларусі"


19 снежня на базе Маладзёжнага цэнтра Гродна (вул. Савецкая, 9) маштабнай абласной выставай-прэзентацыяй завершыцца абласны этап рэспубліканскага конкурсу “100 ідэй для Беларусі" ў Гродзенскай вобласці. Пачатак у 11.30.  Плануецца ўдзел кіраўніцтва Гродзенскага абласнога выканаўчага камітэта, ганаровых гасцей.


Фота: robotics.by

Удзел у абласной выставе-прэзентацыі прымуць лепшыя маладзёжныя праекты Гродзенскай вобласці з ліку пераможцаў занальных этапаў.

Нагадаем, што з гэтага года колькасць намінацый конкурсу ўзрасла з дзесяці да дваццаці. Ідэі школьнікаў, студэнтаў і маладых навукоўцаў закранаюць аграрную, прамысловую, сацыяльную сферы, а таксама энергазберажэнне, біяіндустрыю, хімічныя і інфармацыйна-камунікатыўныя тэхналогіі. Ацэньваць праекты будзе экспертнысавет, у састаў якога ўвойдуць прадстаўнікі органаў дзяржаўнага кіравання, прадпрыемстваў, арганізацый і аб'яднанняў горада, бізнес-супольнасцяў.

Наведаўшы выставу, можна будзе ўбачыць, як Вадзім Быльчынскі, майстар Слонімскага дзяржаўнага прафесійна-тэхнічнага каледжа сельскагаспадарчай вытворчасці, мадэрнізаваў лістагібачны станок і як узрасла яго функцыянальнасць.

Упершыню ў Беларусі распрацавана сучаснае пакрыццё з іёнамі срэбра для лячэння ран рознай этыялогіі. Яго аўтар, Аляксандр Глуткін, асістэнт кафедры дзіцячай хірургіі Гродзенскага дзяржаўнага медыцынскага ўніверсітэта, лічыць, што гэта вынаходства нашмат паскорыць працэс гаення ран і асабліва дапаможа людзям з высокай адчувальнасцю да фармакалагічным прэпаратаў.

Максім Пуроўскі, Аляксандр Варанцоў, Аляксандр Антонаў з Гродзенскага дзяржаўнага ўніверсітэта імя Янкі Купалы пайшлі яшчэ далей і прыдумалі энергаэфектыўныя крапяжы, у якіх значна павысіліся эксплуатацыйныя характарыстыкі і паменшылася цеплааддача ў параўнанні з аналагічнымі вырабамі з металу.

Папулярызацыя і развіццё турыстычнага патэнцыялу Прынямоння знайшлі сваё адлюстраванне ў праектах "Погляд у мінулае” Аліны Лучко з Ліды, “Замкі ВКЛ на тэрыторыі Беларусі”, у якім Дар'я Швабовіч выкарыстоўвае 3D тэхналогіі для таго каб зазірнуць у мінулае, і, вядома ж, праект “Гродна для маленькіх турыстаў” Уладзіміра Алёхіна, вучня гродзенскай СШ №11 імя генерала арміі А.І. Антонава.

Ілья Панько і Ягор Сокал — вучні сярэдняй школы з Дзятлаўскага раёна — прыдумалі вельмі займальныя камп’ютарныя гульні. Ілья прапаноўвае даведацца пра героя Вялікай Айчыннай вайны, прайшоўшы квэст “Брыгада Заслонава” да канца, а праект Ягора —  “Энцыклапедыя маленькага беларуса” — скіраваны на паскарэнне працэсу навучання і павышэнне цікавасці вучняў да такой важнай тэме, як патрыятызм.

Падчас выставы можна будзе ўбачыць “Шоу высокіх тэхналогій” і даведацца шмат новага ў розных сферах навукі і адукацыі.

Сяргей РАСОЛЬКА

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.