Вы тут

Тэлеканал АНТ мадэрнізаваў студыю інфармацыйнага вяшчання


З 11 снежня «Нашы навіны» пачалі выходзіць у новым аздабленні: фірменная застаўка набыла іншыя колеры, лагатып прайшоў рэбрэндынг. Але галоўнае — пасля маштабнай мадэрнізацыі і тэхнічнага пераабсталявання, праведзенага, дарэчы, з дапамогай айчынных вытворцаў, амаль цалкам змянілася студыя інфармацыйнага вяшчання.


На плошчы ў 300 кв. м павялічылася колькасць сучасных камер, з'явіліся святлодыёдныя экраны, на якіх можна адначасова паказваць да шасці розных карцінак, найноўшыя тэлесуфлёры, асвятляльныя прылады, а таксама рухомы подыум. Але, як падкрэслівае кіраўніцтва тэлеканала, тэхнічнае перааснашчэнне і новая «ўпакоўка» — толькі частка справы, мусіць удасканальвацца, стаць больш дынамічнай і цікавай падача навін.

Уласна, пэўныя змены ў фармаце «Нашых навін» ужо адбыліся. Вячэрні выпуск, які цяпер робяць двое вядучых, дапоўнены «жывым» прагнозам надвор'я і новымі рубрыкамі, а галоўныя спартыўныя падзеі тыдня не проста пералічваюцца ў сціслым інфармацыйным выпуску, а дэталёва разглядаюцца ў нядаўна запушчанай праграме «Спортклуб». У камандзе вядучых АНТ апошнім часам адбылося істотнае папаўненне: Дзмітрый Бачкоў закранае вострыя тэмы ў ток-шоу «Наша жыццё», Дзмітрый Максімовіч, Мікалай Асмолаў і Таццяна Саўчык працуюць у выпусках навін, сіноптык Дзмітрый Рабаў і прыма айчыннай гімнастыкі Меліціна Станюта вядуць тэматычныя рубрыкі. Наперадзе, абяцаюць тэлевізійнікі, гледачоў чакае выхад у эфір новай інфармацыйна-аналітычнай перадачы.

Вікторыя ЦЕЛЯШУК

tselyashuk@zviazda.by

Фота Марыны БЕГУНКОВАЙ

Загаловак у газеце: АНТ «перапакавала» навіны

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.