Вы тут

Алімпійцы надзенуць шапкі ад «Палесся»


Адкрытае акцыянернае таварыства «Прамыслова-гандлёвае аб'яднанне «Палессе» прыступіла да вырабу цёплых рэчаў для дэлегацыі Беларусі, якая прыме ўдзел у Алімпійскіх гульнях у Пхёнчхане.


Паведамляецца, што паступіў заказ на выраб 130 камплектаў шапак, шалікаў і пальчатак, якія дапоўняць экіпіроўку спартсменаў, трэнераў і іншых прадстаўнікоў беларускай дэлегацыі на Алімпіядзе. Яшчэ 100 камплектаў будзе выпушчана для ўдзельнікаў Параалімпіяды-2018. Таксама на «Палессе» паступіла заяўка на выпуск каля 2 тысяч «алімпійскіх» вырабаў для адпраўкі ў гандлёвыя сеткі краіны.

Цёплыя рэчы звязаныя з ПАН-пражы, якая па ўласцівасцях максімальна набліжана да паўшарсцяных. Асноўныя колеры вырабаў — шэры і чырвоны. Акцэнт зроблены на малюнак сняжынкі, якая выканана ў стылістыцы нацыянальнага арнаменту. Яшчэ адным напамінам алімпійцам аб культурным здабытку краіны будзе шалік, зроблены накшталт традыцыйнага беларускага пояса.

Дар'я ЛАБАЖЭВІЧ

lobazhevich@zviazda.by

Выбар рэдакцыі

Спорт

Сёння стартуе адзін з найстарэйшых турніраў Еўропы

Сёння стартуе адзін з найстарэйшых турніраў Еўропы

111-ы чэмпіянат Еўропы па фігурным катанні пачынаецца на «Мінск-Арэне» жаночымі выступленнямі адзіночак. 

Грамадства

Жыхаркі Аршаншчыны ўдзельнічаюць у праекце «Прадпрымальная землеўласніца»

Жыхаркі Аршаншчыны ўдзельнічаюць у праекце «Прадпрымальная землеўласніца»

Вёска з цяпліц, лабараторыя па вырошчванні раслін у прабірках, лекцыя па фінансавай адукаванасці...

Грамадства

Які няякасны тавар можна сустрэць у магазінах?

Які няякасны тавар можна сустрэць у магазінах?

Вось вы, напрыклад, ведаеце, што не так у дзіцячым адзенні турэцкага вытворцы?