Вы тут

Казкі чараўніцы Зімы ад Кацярыны Хадасевіч-Лісавой


Чаго так чакаюць дзеці напярэдадні Новага года? Чаго не хапае нават дарослым у гэтыя шэраватыя снежаньскія дні? Канешне ж, цудаў, казачнага настрою і прадчування чагосьці неверагоднага!


А ці можа звычайны чалавек ствараць цуды для іншых? Безумоўна! Але ў тым выпадку, калі ён не зусім звычайны, а... пісьменнік. Той, хто стварае свае ўласныя сусветы і засяляе іх выдуманымі героямі. Як, напрыклад, беларуская пісьменніца Кацярына Хадасевіч-Лісавая. Яна з дзяцінства марыла стаць чараўніцай, скончыла Акадэмію фей, навучылася варыць спецыяльны эліксір і дарыць дзецям самыя цудоўныя сны... Не верыце? А калі пачытаеце кнігі Кацярыны ці прыйдзеце на сустрэчу з ёй у бібліятэку (трэба ж аўтару дзяліцца сакрэтамі свайго майстэрства з чытачамі), – абавязкова паверыце!

Вось і днямі на адной з такіх сустрэч, што адбылася ў бібліятэцы Мінскага раённага цэнтра культуры, Кацярына прадэманстравала вучням пачатковых класаў 4-й гімназіі яшчэ адну сваю звышздольнасць – ператварацца ў... Зіму. Без гэтай здольнасці не атрымалася б у аўтара напісаць “снежную” і ўтульную кнігу – “Казкі чараўніцы Зімы” (дарэчы, яна пабачыла свет у Выдавецкім доме “Звязда”). А ў кнізе – казка пра клапатлівага лесавічка Жужыка, які абараніў елачку Харошку ад небяспечных злодзеяў з сякерамі, парады пра тое, як напісаць ліст Дзеду Марозу, каб усе жаданні здзейсніліся, навагодняя быль пра незвычайнае знаёмства ў святочную ноч. Пра ўсё гэта Кацярына расказала гасцям сустрэчы. А яшчэ яны атрымалі магчымасць убачыць навагодніх памочнікаў аўтара – Снягурку і таямнічага Снегавіка.

Алена КАРПЕНКА

Дадаць каментар

Выбар рэдакцыі

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.