Позна ўвечары ратавальнікам паступіла паведамленне аб пажары ў доме ў вёсцы Доўнары Іўеўскага раёна. Калі да месца выкліку прыбылі падраздзяленні МНС, ён гарэў адкрытым полымем, дах часткова абрынуўся ўнутр.
Па інфармацыі МНС, гаспадар жылля 1988 года нараджэння пражываў сумесна з дзядзькам 1974 года нараджэння і дзядулем 1935 года нараджэння. Да прыбыцця ратавальнікаў відавочцам былі выратаваны тры чалавекі.
Высветлілася, што міма праязджаў мужчына, убачыў гарэнне, спыніўся і накіраваўся да хаты. Каля ўваходных дзвярэй ён пачуў крыкі аб дапамозе і забег у пабудову. На падлозе ў калідоры знайшоў ляжачага мужчыну 1978 г. н. (знаходзіўся ў гасцях). Узяўшыся за вопратку пацярпелага, выцягнуў яго на вуліцу. Затым забег у дом і знайшоў у калідоры на падлозе пенсіянера. Таксама выцягнуў таго з пабудовы. Вярнуўся ў дом чарговы раз, знайшоў у калідоры дзядзьку гаспадара жылля, якога таксама выцягнуў на двор. Пасля мужчына яшчэ раз паспрабаваў увайсці ўнутр, але з-за высокай тэмпературы трапіць у пакой, дзе пасля быў знойдзены загінулы гаспадар дома, ён не змог. Як мяркуецца, прычына пажару — неасцярожнасць пры курэнні.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
