Вы тут

Паветра, будаўніцтва, судовыя рашэнні...


На апошнім у гэтым годзе пасяджэнні Палаты прадстаўнікоў прыняты змяненні і дапаўненні ў Паветраны кодэкс Рэспублікі Беларусь, а таксама змяненні і дапаўненні ў некаторыя законы нашай дзяржавы.


Навацыі ў Паветраны кодэкс разгледзелі ў першым чытанні. У першую чаргу яны закранаюць сферу эксперыментальнай авіяцыі. Старшыня Дзяржаўнага ваенна-прамысловага камітэта Алег Двігалеў паведаміў, што правапрымяняльнай практыкай выяўлены шэраг прабелаў у Паветраным кодэксе, якія не дазваляюць Камітэту ў поўным аб'ёме і з патрэбнай якасцю рэалізоўваць ускладзеныя на яго паўнамоцтвы ў галіне эксперыментальнай авіяцыі.

— Шэраг патрабаванняў і нарматыўных прадпісанняў Паветранага кодэкса рэгламентуюць праваадносіны толькі ў галіне грамадзянскай авіяцыі, у той час як яны павінны таксама распаўсюджвацца і на адносіны ў галіне дзяржаўнай і эксперыментальнай авіяцыі, — аргументаваў Алег Двігалеў.

У першым чытанні прынялі праект закона, што ўносіць змяненні і дапаўненні ў некаторыя законы Рэспублікі Беларусь.

Аляксандр Кручанаў, першы намеснік міністра архітэктуры і будаўніцтва паведаміў, што гэты законапраект распрацаваны ў выкананне пункта 11 Указа Прэзідэнта ад 4 ліпеня 2017 года №240 «Аб дзяржаўнай падтрымцы грамадзян пры будаўніцтве і рэканструкцыі жылых памяшканняў». Ён прадугледжвае новыя формы дзяржаўнай падтрымкі «канкрэтных ільготных катэгорый грамадзян», што вядуць будаўніцтва, рэканструкцыю жылых памяшканняў. Падтрымка аказваецца ў выглядзе субсідый на аплату часткі працэнтаў за карыстанне крэдытамі, што выдаюць банкі на ўказаныя мэты, а таксама на пагашэнне асноўнага доўгу па гэтых крэдытах.

* * *

Закрыццё трэцяй сесіі адбылося і ў Савеце Рэспублікі. Падчас заключнага пасяджэння сенатары разгледзелі шэсць пытанняў, палова якіх была з бюджэтнага пакета. Акрамя таго, члены верхняй палаты ўхвалілі праект закона, які датычыцца змяненняў і дапаўненняў у Грамадзянскі працэсуальны кодэкс.

Па словах Алы Бодак, старшыні Пастаяннай камісіі па заканадаўстве і дзяржаўным будаўніцтве, змены датычацца карэкціроўкі парадку абскарджання судовых рашэнняў. Маецца на ўвазе ўвядзенне апеляцыі ў грамадзянскае правасуддзе. «Два гады таму апеляцыя была ўведзена ў крымінальным правасуддзі, — тлумачыць старшыня. — Мы ацанілі гэты вопыт і прапанавалі ўвесці замест касацыі апеляцыю і ў грамадзянскай сферы». Пры ўвядзенні апеляцыі скарга на рашэнне суда першай інстанцыі будзе разглядацца гэтым жа судом, толькі не першай інстанцыі, а другой, які будзе праводзіць разгляд калегіяльна ў складзе трох чалавек. Такі падыход лічыцца прагрэсіўным і дазволіць больш дасканала разглядаць скаргі на судовыя рашэнні.

Надзея ЮШКЕВІЧ

yushkevich@zviazda.by

Вераніка ПУСТАВІТ

pustavit@zviazda.by

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.