Вы тут

Газета, паважаная класікам


Надзея Саевіч, галоўны захавальнік фондаў Дзяржаўнага літаратурнага музея Янкі Купалы:

— Кожны раз, гартаючы свежы нумар «Звязды», з задавальненнем адзначаеш цікавыя публікацыі, даведваешся пра апошнія навіны жыцця нашай краіны і замежжа, знаёмішся з культурнымі падзеямі, чытаеш пра знакамітых людзей. Адметна, што з гісторыяй адной з найстарэйшых беларускамоўных газет звязаны і творчы шлях Янкі Купалы. У свой час паэт плённа супрацоўнічаў з выданнем: выступаў на старонках з публіцыстычнымі артыкуламі, наведваў рэдакцыю, даваў парады калегам. Менавіта тут упершыню былі апублікаваны каля 70 вершаў беларускага песняра, а таксама яго пераклады з Пушкіна, Шаўчэнкі.

Калі ў 1934 годзе выйшаў пяцітысячны нумар «Звязды», Янка Купала прысвяціў паважанай газеце верш:

Пяць тысяч — не жарты вам —

Нумароў з запалам

«Звязда» наша слаўная

Ўжо надрукавала.

Скажам жа ёй шчырае

Наша пажаданне:

Каб жыла, квяцілася

Далей безустанне.

Мы, супрацоўнікі музея, далучаемся да гэтых пажаданняў класіка.

Выбар рэдакцыі

Грамадства

Доктар Камароўскі: Паглядзіце, як елі нашы продкі. І выжылі

Доктар Камароўскі: Паглядзіце, як елі нашы продкі. І выжылі

Ён даў парады наконт харчавання і не толькі.