04 снежня, пятніца

Вы тут

Выхаванцы Ждановіцкай школы-інтэрната атрымалі мяккую мэблю


Выхаванцы Ждановіцкай школы-інтэрната атрымалі ў падарунак ад Беларускага саюза жанчын мяккую мэблю.

Навагоднія падарункі дзецям уручыла намеснік старшыні Савета Рэспублікі Нацыянальнага сходу, старшыня грамадскага аб'яднання «Беларускі саюз жанчын» Марыяна Шчоткіна.


Марыяна Акіндзінаўна наведвае Ждановіцкую школу-інтэрнат для дзяцей з парушэннем слыху не ўпершыню. З вучнямі школы і педагогамі яна сустракалася сёлета ў жніўні. Тады дзеці сказалі, што ў якасці падарунка ім хацелася б атрымаць мяккую мэблю. «Акцыя «Нашы дзеці» дапамагае ажыццяўляць дзіцячыя мары. Яна аб'ядноўвае ўсіх нас. Кожны можа ўнесці свой уклад, дапамагчы нешта купіць для дзяцей. Калі крыху цеплыні падарыць тым, хто побач, гэта дапамагае рабіць дабро», — адзначыла Марыяна Шчоткіна. Яна падкрэсліла, што «акцыя стала традыцыйнай для Беларусі. Усе рыхтуюцца да гэтага свята, каб ад душы павіншаваць дзяцей».

Акрамя мяккай мэблі, дзеці атрымалі ад Беларускага саюза жанчын салодкія падарункі і кнігі.

«Хай у новым годзе спраўдзяцца ўсе вашыя мары, каб вы рэалізавалі тое, што хочаце больш за ўсё. Няхай Новы год прынясе вам цікавыя сустрэчы, толькі добрыя падзеі і будзе запамінальны і цікавы», — пажадала Марыяна Шчоткіна вучням школы.

Хлопцы і дзяўчаты падзякавалі за цёплыя віншаванні і падарункі і ўручылі Марыяне Шчоткінай і членам прэзідыума Беларускага саюза жанчын (разам з Марыянай Акіндзінаўнай дзяцей прыехалі павіншаваць першы намеснік старшыні БСЖ, дэпутат абласнога Савета дэпутатаў па Ждановіцкай выбарчай акрузе Святлана Сітнікава і намеснік старшыні саюза Лілія Ананіч) сувеніры на памяць, вырабленыя сваімі рукамі. Пасля святочнага канцэрта, які дзеці падрыхтавалі для гасцей, адбылося адкрыццё персанальнай выставы творчых работ вучаніцы 5-га класа школы-інтэрната Карыны Копач.

Надзея ДРЫЛА

dryla@zviazda.by

Загаловак у газеце: Мары здзяйсняюцца

Выбар рэдакцыі

Грамадства

«Сацыяльная хвароба». Прастытуцыя ў БССР у часы НЭПа

«Сацыяльная хвароба». Прастытуцыя ў БССР у часы НЭПа

Сярод прыхільнікаў тэорыі вольнага кахання было шмат высокапастаўленых бальшавікоў і бальшавічак.

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.