Праект Алены Маскаленкі, першакурсніцы факультэта сацыякультурных камунікацый Белдзяржуніверсітэта, скіраваны на стварэнне аптымальных умоў для рэалізацыі навуковых ідэй студэнтаў і школьнікаў. Ён уяўляе сабой анлайн-платформу для “прасунутай моладзі”, якая аб’ядноўвае навучэнскую моладзь і экспертаў.
На дадзены момант на сайце зарэгістравана каля 1000 даследчыкаў, кансультантаў, рэпетытараў, валанцёраў, спонсараў і трэнераў у той ці іншай вобласці. Для пошуку аднадумцаў і ўдзелу ў даследчых праектах, падпісчыкам неабходна запоўніць анкету і завесці асабістую старонку. Карыстальнікі сеткі могуць атрымаць неабходныя веды па методыцы падрыхтоўкі даследчага праекта, сабраць каманду, знайсці навуковага кіраўніка, пракансультавацца ў экспертаў, каб увасобіць сваю ідэю у жыццё і годна абараніць вынікі перад патэнцыяльнымі інвестарамі.
Даследчая сетка “Дерзай” была прадстаўлена ў фінале найбуйнейшага конкурсу сацыяльных праектаў Беларусі Social Weekend 10, дзе атрымала грант на реалізацыю. Леанід Лознер, сузаснавальнік EPAM Systems, а таксама Асацыяцыя “Адукацыя для будучыні” і кампанія МТС акажуць праекту студэнткі БДУ ўсебаковую падтрымку.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.