Вы тут

З 1 студзеня вырасце базавая велічыня


Развесціся стане даражэй, павялічацца і штрафы.

Памер базавай велічыні складзе 24,5 рубля (цяпер гэта сума ў 23 рублі). Гэта прадугледжана пастановай Савета Міністраў ад 22 снежня 2017 года №997.


З ростам базавай велічыні павялічацца і некаторыя выплаты і штрафы. Так, напрыклад, павысіцца максімальны памер дапамогі па беспрацоўі — да 49 рублёў. А сума дзяржаўнай субсідыі на адкрыццё сваёй справы складзе 269,5 рубля. Калі вы захочаце распачаць уласны бізнес на вёсцы, то зможаце атрымаць на яго запуск 367,5 рубля, а калі збіраецеся арганізаваць прадпрымальніцкую дзейнасць, звязаную з выкарыстаннем навуковых распрацовак, то на гэта выдзеляць 490 рублёў.

За рэгістрацыю шлюбу ў наступным годзе давядзецца заплаціць 24,5 рубля, а за развод — 98 (а калі гэты развод не першы, то ўсе 196 рублёў).

Штраф за безбілетны праезд у гарадскім транспарце з новага года складзе 12,25 рубля. За распіццё алкагольных напояў у грамадскім месцы з вас змогуць спагнаць да 196 рублёў, а за шум ад рамонту па выхадных — да 735.

З павышэннем базавай велічыні вырастуць таксама прэміі і стыпендыі Прэзідэнта Беларусі, мінімальныя стаўкі аўтарскай узнагароды, плата за карыстанне арэндным жыллём і іншае.

Наталля ЛУБНЕЎСКАЯ

lubneuskaya@zvіazda.by

Выбар рэдакцыі

Палітыка

Другі дзень УНС: усе падрабязнасці тут

Другі дзень УНС: усе падрабязнасці тут

У парадку дня — зацвярджэнне Канцэпцыі нацбяспекі і Ваеннай дактрыны.

Энергетыка

Беларусь у лідарах па энергаэфектыўнасці

Беларусь у лідарах па энергаэфектыўнасці

А сярод краін ЕАЭС — на першым месцы.

Моладзь

Аліна Чыжык: Музыка павінна выхоўваць

Аліна Чыжык: Музыка павінна выхоўваць

Фіналістка праекта «Акадэмія талентаў» на АНТ — пра творчасць і жыццё.

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.