Вы тут

Некаторым урачам павялічылі заробкі


Гэта прапісана ў пастанове Міністэрства працы і сацыяльнай абароны №85 ад 11 снежня 2017 года. Тарыфныя аклады павысілі ўрачам-экспертам медыка-рэабілітацыйных экспертных камісій (МРЭК), у тым ліку старшыням МРЭК, урачам-экспертам РНПЦ медэкспертызы і рэабілітацыі, уключаючы загадчыка кансультацыйна-паліклінічнага аддзялення. Урачам з вышэйшай кваліфікацыйнай катэгорыяй аклады павялічваюць на 50 працэнтаў, з першай катэгорыяй — на 40 працэнтаў, з другой — на 30.


Даплата ўстаноўлена таксама медработнікам з сярэдняй спецыяльнай адукацыяй за выдачу (увядзенне) пацыентам, хворым на туберкулёз, супрацьтуберкулёзных лекавых сродкаў і кантроль іх прыёму. Пры абслугоўванні ў амбулаторных умовах дзяржарганізацыі аховы здароўя за кожнага пацыента прадугледжана павышэнне ў памеры пяці працэнтаў тарыфнай стаўкі першага разраду, але не больш за 10 працэнтаў гэтай стаўкі ў дзень незалежна ад колькасці пацыентаў. Пры выездзе медработніка па месцы жыхарства хворага будуць даплачваць за кожнага з іх 10 працэнтаў тарыфнай стаўкі першага разраду, але не больш за 20 працэнтаў ад гэтай стаўкі ў дзень.

Пастанова ўступіла ў сілу з учарашняга дня.

Наталля ЛУБНЕЎСКАЯ

lubneuskaya@zvіazda.by

Дадаць каментар

Выбар рэдакцыі

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг

Грамадства

Свята каравая прайшло на Гродзеншчыне

Свята каравая прайшло на Гродзеншчыне

На фестывалі згадалі і даўнюю традыцыю — услаўляць завяршэнне земляробчага года абрадамі ў гонар Багача. 

Грамадства

Як у Слаўгарадскім раёне апякуюць пенсіянераў

Як у Слаўгарадскім раёне апякуюць пенсіянераў

Дом у Лапацічах нічым асабліва не выдзяляецца сярод іншых...

Палітыка

Аб чым дамовіліся прэзідэнты Беларусі і Азербайджана?

Аб чым дамовіліся прэзідэнты Беларусі і Азербайджана?

Па выніках перамоў у Мінску яны прынялі сумесную заяву.