19 Верасень, серада

Вы тут

Палкоўніку міліцыі ў адстаўцы ўручылі баявы медаль «За адвагу»


І хоць гэта знамянальная падзея адбылася больш чым праз 70 гадоў пасля выхаду загада аб узнагароджанні, для палкоўніка міліцыі ў адстаўцы Максіма Навумавіча Застрэлава яна была не менш хвалюючай і радаснай. Баявы медаль «За адвагу» ўручыў заслужанаму ветэрану памочнік ваеннага аташэ пры пасольстве Расійскай Федэрацыі ў Рэспубліцы Беларусь маёр Ілья Мелітоўскі. Цырымонія адбылася ва ўрачыстай абстаноўцы ў сценах УУС Магілёўскага аблвыканкама.


Баявыя подзвігі Максіма Навумавіча адзначаны ордэнам Вялікай Айчыннай вайны 2-й ступені, медалямі: «За адвагу», «За ўзяцце Кёнігсберга», «За перамогу над Германіяй у Вялікай Айчыннай вайне 1941—1945 гадоў». Тое, што ёсць яшчэ адна ўзнагарода «за прыкладныя паводзіны ў баі з нямецкімі захопнікамі на подступах да горада Кёнігсберг, праяўленыя смеласць і мужнасць у знішчэнні двух нямецкіх салдат», ветэран не ведаў. У дакументы закралася прыкрая памылка, што ў 1950 годзе ён памёр. І калі б не цікаўнасць сына ветэрана, які знайшоў інфармацыю пра ўзнагароду ў інтэрнэце, медаль наўрад ці трапіў бы да свайго законнага ўладальніка. Наблізіць гэты хвалюючы момант дапамаглі кіраўніцтва УУС Магілёўскага аблвыканкама, ваенны абласны камісарыят і абласны Савет ветэранаў органаў унутраных спраў і ўнутраных войскаў.

Нэлі ЗІГУЛЯ

zigulya@zviazda.by

Фота Белта

Дадаць каментар

Выбар рэдакцыі

Грамадства

Якім чынам можа праяўляцца адзінота?

Якім чынам можа праяўляцца адзінота?

Адзінота і асабліва адзінота ў сям'і — рэальная прыкмета нашага часу.

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.