Яўрэйскае вяселле, прагулка ў метро, танга ў рэстаране... Гэтыя i iншыя тэатральна-танцавальныя нумары-замалёўкi ацанiлi гледачы галоўнага пераднавагодняга мерапрыемства Карэлiцкага раёна — шоу «Танцы з зоркамi — 3». Адметным гэтае свята сталася i для «Звязды» — нашага карэспандэнта запрасiлi ў журы.
Каторы год яскравае вiдовiшча збiрае поўную залу ў раённым Доме культуры. Як лiчаць арганiзатары шоу, гэта падарунак да Новага года для жыхароў раёна. А для ўдзельнiкаў — пачэсная магчымасць паказаць свае таленты i здольнасцi i падаць сябе з нечаканага боку.
Цягам часу шоу трансфармуецца, становiцца ўсё больш складаным па напаўненнi i дасканалым па выкананнi. Танцуюць мясцовыя зоркi (самадзейныя артысты i артысты творчых калектываў) трэцi год, да гэтага яны спявалi. Але кожны раз гэта сапраўднае шоу з элементамi тэатра, яскравым гумарам, каларытнымi персанажамi i новымi тален-
тамi. Сёлета гэта была танцавальная гульня, апраўленая ў сюжэты з мелодыямi вядомых савецкiх i замежных кiнафiльмаў.
— Калi мы пачыналi шоу сем гадоў таму, спачатку арыентавалiся на ўдзел у iм кiраўнiкоў прадпрыемстваў, якiя выходзiлi на сцэну ў пары з работнiкамi культуры, — расказвае намеснiк старшынi Карэлiцкага райвыканкама Руслан АБРАМЧЫК. — Цяпер мы, пэўна, наблiжаемся да таго, што ў шоу ў пары з нашымi зоркамi змогуць удзельнiчаць усе ахвотныя. Падрастае моладзь, якая бачыла конкурс дзецьмi, а сёння гатовая сама выйсцi на сцэну.
Першыя выканаўцы Ангелiна КУЧУК, выкладчык па класе харэаграфii Карэлiцкай дзiцячай школы мастацтваў, i Юрый НАУМОВIЧ, вадзiцель пажарнага аварыйна-выратавальнага паста № 11 аграгарадка Ярэмiчы сваiм нумарам «Маска» запалiлi залу сапраўдным полымем гарачага пачуцця (яны, дарэчы, i сталi пераможцамi).
Аксана КЛIНЦЭВIЧ, намеснiк старшынi па iдэалагiчнай рабоце КСУП «Племзавод-Карэлiчы», i Аляксандр ЧАРАПАНАЎ, кiраўнiк народнага ансамбля песнi «Забава», запрасiлi гледачоў у «Паездку ў метро», дзе праз танец паказалi, як выпадковая сустрэча можа стаць лёсавырашальнай.
Настасся МУРАШКА, хормайстар Карэлiцкага раённага цэнтра культуры i народнай творчасцi, i Аляксандр МIНЧУК, iнспектар iнспекцыi нагляду i прафiлактыкi раённага аддзела па надзвычайных сiтуацыях, прабралi гледачоў да дрыжыкаў пранiкнёным нумарам «Застануся», якiм яны падкрэслiлi, што нават пасля смерцi любiмыя людзi застаюцца з намi.
Ганна IВАНЧЫК, сакратар дырэктара КСУП «Цырын-Агра, «утаймоўвала ўпартага» Iгара КАДЛУБАЯ, выкладчыка Мiрскага дзяржаўнага мастацкага прафесiйна-тэхнiчнага каледжа, якi спрабаваў выратавацца ад чараў цудоўнай брунеткi.
«Скокi пад трэмбiту» зладзiлi Ксенiя БАРАНЧЫК, бiблiятэкар Карэлiцкай раённай бiблiятэкi, i Сяргей РУДЗЯК, вядучы заатэхнiк ДП Лукi-Агра». А «Танга закаханых сэрцаў» у рэстаране пад гукi жывой музыкi выканалi Аляксандр КОЛБ, музычны кiраўнiк Жухавiцкай сярэдняй школы, i Валерыя КУЛАК, настаўнiк сальфеджыа Жухавiцкай дзiцячай школай мастацтваў.
Кацярына ЖАМОЙДА, балетмайстар аддзела культуры i вольнага часу Жухавiцкага дома культуры, i Вiктар ХВЯСЬКО, дыспетчар раённых электрычных сетак, запрасiлi гледачоў на свой «Вясельны iдыш».
Не засталiся ўбаку ад творчасцi i члены журы. Iна САНЧУК, начальнiк аддзела iдэалагiчнай работы, культуры i па справах моладзi Карэлiцкага райвыканкама, i Дзмiтрый МАЛЫШЧЫК, дырэктар Жухавiцкай дзiцячай школы мастацтваў, выканалi песню «Праводзiны кахання». Гэтая зорная пара спелася, дарэчы, ужо даўно. Яшчэ ў той час, калi «Танцы з зоркамi» былi яшчэ песнямi, гэта быў арыгiнальны тэатралiзаваны нумар конкурсу.
— Мы заўжды стараемся складаць нашы пары так, каб адзiн з выканаўцаў быў прафесiйным артыстам, а другi — работнiкам iншай сферы. Але бывае па-рознаму. Напрыклад, Ганна Iванчык i Iгар Кадлубай — абодва непрафесiйныя артысты, але як неверагодна яны раскрылiся на сцэне! — адзначыла Iна Санчук.
Сёлета журы было настолькi ўражана гульнёй акцёраў другога плана, якiя дапамагалi артыстам ствараць атмасферу нумароў, што вырашыла прысудзiць спецыяльныя прызы за лепшую жаночую i мужчынскую ролi другога плана.
— Акрамя асноўных артыстаў, над стварэннем нумароў працуюць i тыя, хто выступае на заднiм плане, на падтанцоўцы. I сёлета двое з iх проста скарылi нас сваёй акцёрскай гульнёй, — пракаментаваў Руслан Абрамчык, гаворачы пра Настассю МАКОЎСКУЮ, якая iграла на кантрабасе ў нумары «Танга закаханых сэрцаў», i Мiхаiла ЛАГУТУ — памочнiка з нумара «Вясельны iдыш».
Карэспандэнт «Звязды», вядома, таксама прыйшла з памятным падарункам. Скажу шчыра, выбраць з выступленняў артыстаў адну пару мне асабiста было цяжка. Уявiце, як гэта — «пражыць» нумар на вачах людзей, кожны з якiх цябе ведае. А было вiдавочна, што для кожнага з iх удзел у шоу — гэта не проста спаборнiцтва, а магчымасць адчуць свята ўнутры сябе i паказаць яго iншым, каб захапiць гледачоў: родных, суседзяў. Упадабала я ўсiх, але ж памятныя прызы з сiмволiкай газеты аддала Кацярыне Жамойдзе i Вiктару Хвясько.
Думаецца, далей шоу будзе станавiцца ўсё больш адмысловым. Ужо гучалi думкi арганiзаваць танцы на ролiкавых каньках або замахнуцца на эстрадныя камедыйныя мiнiяцюры...
Iрына СIДАРОК
Фота Караліны КУЧУК
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».