Вы тут

У Брэсце прайшла абласная ёлка


З удзелам старшыні аблвыканкама Анатоля Ліса. Свята ў рамках акцыі «Нашы дзеці» адбылося ў Цэнтры маладзёжнай творчасці. У ім узялі ўдзел 450 юных жыхароў рэгіёна. Анатоль Ліс цёпла павіншаваў дзяцей з Калядамі і Новым годам, пажадаў здзяйснення запаветных жаданняў, паспяховай вучобы.


Губернатар адзначыў, што ў Брэсцкай вобласці і краіне ў цэлым вялікая ўвага ўдзяляецца павышэнню якасці адукацыі, укараняюцца новыя навучальныя праграмы. Паводле яго слоў, поспех у вучобе шмат у чым залежыць ад узроўню кваліфікацыі педагогаў і стараннасці вучняў. «На мой погляд, адным з вызначальных паказчыкаў з'яўляецца колькасць тых, хто паступае ў вышэйшыя навучальныя ўстановы. У 2017 годзе ў ВНУ паступілі 47% нашых выпускнікоў. Гэта добры вынік, які сведчыць пра сур'ёзнасць падрыхтоўкі. Нашы дзеці годна выступаюць на рэспубліканскіх і міжнародных алімпіядах. Таксама больш чым у 200 установах адукацыі адкрыты профільныя класы, у якіх паглыблена вывучаюць прадметы звыш пяці тысяч навучэнцаў», — расказаў Анатоль Ліс.

Госці свята ў ЦМТ убачылі тэатралізаванае прадстаўленне «Навагоднія прыгоды ў Каралеўстве крывых люстэркаў», якое падрыхтавалі ўдзельнікі дзіцячых творчых калектываў вобласці, паведамляе БЕЛТА. Пасля спектакля хлопчыкаў і дзяўчатак чакала забаўляльная праграма каля ёлкі з Дзедам Марозам і Снягуркай ды іншымі казачнымі персанажамі.

Загаловак у газеце: Лепшае — нашай будучыні

Выбар рэдакцыі

Грамадства

Якую небяспеку нясе экспрэс-дыета?

Якую небяспеку нясе экспрэс-дыета?

 Варта разумець, што дыеты такога тыпу — радыкальны метад, які мае шмат мінусаў.

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.