Вы тут

Эфектыўную методыку навучання іерагліфічнаму пісьму распрацавалі ў БДУ


Вучэбна-метадычны дапаможнік “Навучанне кітайскаму іерагліфічнаму пісьму студэнтаў моўнай ВНУ” выдадзена ў Беларускім дзяржаўным універсітэце. Яго аўтарам выступіла дацэнт кафедры кітайскай філалогіі філалагічнага факультэта ўніверсітэта Юлія Малаткова. Над дапаможнікам яна працавала з 2010 года.


Фота: yandex.ru

Для Беларусі выданне з'яўляецца ўнікальным і першым у гэтай сферы. Пры падрыхтоўцы падручніка аўтар абапіралася на вынікі навуковых эксперыментаў у вывучэнні іерагліфічнага пісьма, якія былі атрыманы ў працэсе выкладання курса "Асновы іерогліфікі” на філалагічным факультэце БДУ. Даследчык раскрыла лінгвістычныя асаблівасці знакавай сістэмы, а таксама псіхалагічныя заканамернасці яе засваення. Малады навуковец распрацавала эфектыўную методыку навучання іерагліфічнаму пісьму, якая грунтуецца на агульных падобных прыкметах іерогліфаў, якія могуць супадаць па напісанні, гукалітарным стандарце і значэнні.

Тэарэтычны матэрыял у дапаможніку падмацаваны практычнымі заданнямі. Усяго падручнік ўключае 1000 іерогліфаў, якія прызначаны для асваення пісьма на першым годзе навучання. Выданне прызначана для лінгвістаў, выкладчыкаў кітайскай мовы, студэнтаў, магістрантаў, а таксама ўсіх, хто цікавіцца кітайскай мовай і іерагліфічным пісьмом.

Надзея НІКАЛАЕВА

Дадаць каментар

Выбар рэдакцыі

Грамадства

Надзея для Вары

Надзея для Вары

Калi хварэюць блiзкiя, гэта заўсёды гора, але няма гора большага, чым калi хварэюць дзецi. 

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.