Вы тут

Гэты Калядны турнiр запомнiцца гледачам сваёй вiдовiшчнасцю


Учора хакейныя баталii на Калядным турнiры працягвалiся. Каманда Швейцарыi, якая за дзень да гэтага перамагла кiтайцаў з лiкам 7:4, сустракалася са зборнай ААЭ, якая напярэдаднi пацярпела паражэнне ад зборнай Прэзідэнта Беларусi (7:12). Учора лёд «Чыжоўка-Арэны» не аддаў перавагу нiкому — каманды згулялi ўнiчыю (4:4).


Але героем першых матчаў учарашняга дня была, несумненна, зборная Чэхii. На лёдзе «Чыжоўка-Арэны» яны разграмiлi сапернiкаў са зборнай Балкан — 25:3. Зыход сустрэчы ў групе В вырашаны быў ужо пасля першага перыяду, у якiм пераможцы закiнулi дзевяць шайбаў. Для каманды Чэхii гэта ўжо другая буйная перамога на турнiры. Напярэдаднi былi зрынутыя шведы — 19:3. Учора ў гэтым квартэце позна ўвечары адбыўся яшчэ адзiн матч: Расiя сустракалася на малой пляцоўцы «Чыжоўка-Арэны» са шведамi. У групе А ў вячэрняй праграме спаборнiцтваў на вялiкай пляцоўцы спарткомплексу згулялi хакейная каманда Прэзiдэнта Беларусi i зборная Кiтая.

Сёння зборная Швецыi сустрэнецца з камандай Балкан, КНР згуляе з ААЭ, Беларусь — са Швейцарыяй, а Расiя — з Чэхiяй. А заўтра адбудзецца матч за трэцяе месца i, канешне, фiнал, якi вызначыць наймацнейшага, i, трэба спадзявацца, будзе не менш вiдовiшчным i таксама багатым на забiтыя шайбы.


Генадзь Савілаў, нападаючы хакейнай каманды Прэзідэнта Беларусі, заявіў у размове з журналістамі, што, безумоўна, галоўная задача — перамога ў турніры.

— Мы трэніруемся пастаянна на працягу года — па два-тры разы на тыдзень, удзельнічаем у спаборніцтвах, — расказаў форвард. — Многія з нас гуляюць у аматарскай хакейнай лізе, там таксама ёсць трэніроўкі, гульні, зусім нядаўна быў турнір у Арабскіх Эміратах. Так што лёдавай падрыхтоўкі для аматарскага ўзроўню больш чым дастаткова.

Трэба сказаць, што падчас гульні ў чацвер з камандай Аб'яднаных Арабскіх Эміратаў ужо ў першым перыядзе наша каманда лідзіравала з лікам шэсць — ноль. Пазней госці імкнуліся адыграцца, але ў выніку перамога так і засталася за намі: 12:7.

— Для самога нечаканасць, што такая значная перавага ў гульні, — прызнаўся Генадзь Савілаў пасля першага тура. — Відаць, мы вельмі моцна рыхтаваліся, імкнуліся падысці да гэтых спаборніцтваў у поўнай мабілізацыі. Сваю ролю сыграла і тое, што каманда з Арабскіх Эміратаў, ды і няма ў іх такой падтрымкі балельшчыкаў, якая ёсць у нас.

Умовы гульні нападаючы ацаніў на «выдатна»:

— Зручнае размяшчэнне «Чыжоўка-Арэны», зручна сумясціць балельшчыцкую цікавасць да спаборніцтва міжнароднага значэння сярод дарослых і рэспубліканскага значэння — сярод моладзі. Спадзяюся, што ў будучым такая традыцыя працягнецца.

Надзея ЮШКЕВІЧ

yushkevich@zviazda.by

Фота БЕЛТА

Загаловак у газеце: 25 шайбаў у адны вароты

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.