Вы тут

Ці можа фарба для валасоў выклікаць рак?


Ёсць меркаванне, што прафесійныя фарбавальнікі для валасоў больш бяспечныя і эфектыўныя, чым тыя, што прадаюцца ў звычайнай краме. Мала хто ведае, што ў фарбах некаторых брэндаў змяшчаюцца небяспечныя таксічныя рэчывы.


Але сучасныя вытворцы-падманшчыкі — проста нявінныя дзеці ў параўнанні са сваімі папярэднікамі. У ХVІІІ стагоддзі вялікім попытам карысталася фарба для валасоў колеру каштан. Склад — экстракт арэхаў. Сама натуральнасць. І толькі цырульнікі ведалі, што моднае адценне валасам надаюць ядавітыя солі свінцу. Каб атрымаць адценне залаты блонд, таксама прыходзілася хімічыць. Фарбу гатавалі з марганцоўкі і нашатырнага спірту, а майстры запэўнівалі будучых бландзінак, што гэта травяны кампот.

З таго часу навука пайшла далёка наперад, за падман на ўпакоўках жорстка караюць. Але ўрачы з Вялікабрытаніі і Фінляндыі правялі даследаванні і знайшлі сувязь паміж выкарыстаннем фарбы для валасоў і ракам грудзей.

Кефар Макбель, мамолаг з Вялікабрытаніі, сцвярджае, што жанчыны павінны фарбаваць валасы не часцей за пяць разоў на год, а тыя, хто робіць гэта больш рэгулярна (вытворцы фарбаў раяць асвяжаць колер раз на 4—6 тыдняў), трапляюць у групу рызыкі. Магчымасць узнікнення ў іх пухліны грудзей павялічана на 14 %. А прафесар Хельсінкскага ўніверсітэта Санна Хайкінен, якая апытала 22 тысячы жанчын па ўсёй краіне, высветліла, што кожная пятая з тых, хто хоць раз фарбаваў валасы, сутыкнулася з ракам грудзей.

Галоўны падазраваны ў гэтай справе — аміяк, які ўваходзіць у склад фарбы, а таксама яго вытворныя — араматычныя аміны. Зрэшты, вучоныя пакуль не гатовы сцвярджаць, што менавіта фарба для валасоў правакуе рак грудзей. Яны не выключаюць, што яго мог выклікаць і іншы кампанент, які ўваходзіць у склад касметычных сродкаў, якімі карысталіся жанчыны. Але калі меркаванні знойдуць дадатковыя доказы — бо вучоныя плануюць працягнуць вынаходкі ў гэтай галіне, — фарбы для валасоў ужо ніколі не будуць ранейшымі, прыйдзецца шукаць новыя формулы і мяняць іх склад. А пакуль жанчынам, якія часта фарбуюць валасы, раяць карыстацца... натуральнымі заменнікамі, напрыклад старой добрай хной.

Алена КРАВЕЦ

kravets@zvіazda.by

Загаловак у газеце: Небяспечная змена іміджу

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.