Вы тут

На Гомельшчыне сёння пройдзе фінал дабрачыннай акцыі “Цуды на Каляды”


10 студзеня дзяцей, якія знаходзяцца на лячэнні ў Гомельскай абласной дзіцячай клінічнай бальніцы (вул. Жаркоўскага, 7, канферэнц-зала) запросяць на навагодні ранішнік казачныя навагоднія персанажы ў рамках дабрачыннай акцыі ГА “БРПА” і ГА “БРСМ” “Цуды на Каляды”. Мерапрыемства стане фінальным у вобласці ў рамках дадзенай акцыі. Арганізатары ўручаць сертыфікат на рэканструкцыю абласной дзіцячай бальніцы.


У рамках акцыі валанцёры руху “Добрае Сэрца" БРСМ і піянеры-цімураўцы гомельскіх сярэдніх школ №22 і №26 стануць казачнымі навагоднімі персанажамі і запросяць хлопчыкаў і дзяўчынак у займальныя гульні і забавы. Кульмінацыяй свята стане віншаванне ўсіх прысутных Дзедам Марозам і Снягуркай: дзеці пагутараць з галоўнымі героямі свята, загадаюць жаданне і, вядома ж, атрымаюць падарункі ад Дзеда Мароза.

У мерапрыемстве таксама возьмуць удзел байцы студатрада, якія працавалі на Гомельскай абласной маладзёжнай будоўлі (рэканструкцыі Гомельскай абласной дзіцячай бальніцы), перададуць падарункі ад піянераў-цімураўцаў — уласнаручна вырабленых зубранят — сімвал Беларусі, а валанцёры руху “Добрае Сэрца"  перададуць падарункі, сабраныя ў рамках акцыі ў пераднавагоднія святы ад жыхароў рэгіёну.

У завяршэнні мерапрыемства арганізатары акцыі перададуць адміністрацыі лячэбнай установы падарункавы сертыфікат на суму 2,5 тысячы рублёў для рэканструкцыі Гомельскай абласной дзіцячай клінічнай бальніцы. Сродкі сабраны ў рамках акцыі "Цуды на Каляды” ад першасных арганізацый ГА “БРСМ”, піянерскіх дружын ГА “БРПА”, насельніцтва Гомельскай вобласці.

Таксама да акцыі далучацца камуністы Гомельскага абласнога камітэта Камуністычнай партыі Беларусі. У мерапрыемстве прыме ўдзел першы сакратар Гомельскага абласнога камітэта КПБ, кіраўнік спраў Гомельскага аблвыканкама Алена Уладзіміраўна Клічкоўская, якая павіншуе дзяцей і ўручыць каштоўныя падарункі ўстанове аховы здароўя і хлопчыкам і дзяўчынкам.

Сяргей РАСОЛЬКА

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.

Грамадства

Птушкі, людзі, цытаты з класікаў: хто, як і навошта расфарбоўвае гарады

Птушкі, людзі, цытаты з класікаў: хто, як і навошта расфарбоўвае гарады

 Карэспандэнт «Звязды» сустрэлася з мастаком Аляксандрам Благіем.

Грамадства

На лячэнне і паляванне. Што прыцягвае замежнікаў у Беларусі?

На лячэнне і паляванне. Што прыцягвае замежнікаў у Беларусі?

​Беларускія санаторыі перасталі быць месцам адпачынку пераважна пажылых людзей.

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці