Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
тага́н — трыножка; падстаўка пад чыгунок, калі вараць ежу;
турнэ́пс — кармавая рэпа;
жлу́кта — пасудзіна, выдзеўбаная з драўлянай калоды;
дара́дчык — той, хто дае парады;
цыбу́р — сцябло, звычайна тоўстае, пругкае;
дзя́га — рэмень, папруга;
раскінуць розумам — добра падумаць (беларускія сінонімы: раскінуць мазгамі, паварушыць галавой; рускі адпаведнік: раскинуть умом);
рассыпацца макам — дагаджаць каму-небудзь, паддобрывацца да каго-небудзь (беларусы яшчэ скажуць: слацца лістам, віляць хвастом; рускія: шапку ломать).
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
