Вы тут

13 студзеня ў сталіцы адбудзецца выступленне сям'і Паспяшальскіх


Сённяшнім вечарам — якраз на Стары Новы год, у цэнтры Мінска каля Ратушы, у канцэртнай зале «Верхні горад» адбудзецца выступленне ўнікальнага музычнага гурта з Польшчы. Аркестр з пятнаццаці чалавек, якія належаць двум пакаленням адной сям'і Паспяшальскіх, выступіць тут з праграмай калядак і пастараляў у аўтарскай апрацоўцы.


Канцэрт у Мінску — звяно міжнароднага канцэртнага турнэ аркестра, але Паспяшальскія ў нашай краіне не ўпершыню. Два гады таму, напрыклад, яны выступілі ў Архікафедральным саборы імя Найсвяцейшай Дзевы Марыі ў Мінску, а сённяшняму канцэрту ў мінскім «Верхнім горадзе» папярэднічала ўчарашняе выступленне ў парафіі Найсвяцейшага Адкупіцеля ў Гродне. На сцэне Паспяшальскія выканаюць як класічныя фольк-версіі калядак і пастараляў, так і іх апрацоўкі ў стылях джаз і рок-музыкі.

Канцэрты Паспяшальскіх шмат разоў запісваліся для польскага тэлебачання, польскае радыё часта круціць калядкі гурта, музыканты супрацоўнічаюць з небезвядомымі польскімі калегамі Войцахам Мазалеўскім, трыа Януша Прусіноўскага, Міхалам Урбанякам, Адамам Стругам, Vоо Vоо, Rаz Dwа Trzу, Dаgа Dаnа ды іншымі. Першы дыск Паспяшальскія запісалі яшчэ ў пачатку 1990-х гадоў. Цікава, што некаторых сённяшніх музыкантаў гурта на той момант яшчэ не было, а сёння яны ўваходзяць у зладжаны сямейны склад аркестра.

Мерапрыемства арганізавана пасольствам Польшчы ў Беларусі і Польскім інстытутам у Мінску.

Сафія ПАЛЯНСКАЯ

Загаловак у газеце: Фольк і рок

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.