Вы тут

Беларуская федэрацыя лёгкай атлетыкі падвяла вынікі 2017 года


Спецыяльная прэмія «Атлетыка» ўручаецца традыцыйна ў канцы сезона, ёю адзначаюцца атлеты і трэнеры, якія дамагліся найвышэйшага выніку.


«Медалі, якія беларускія атлеты заваявалі ў 2017-м, — залог будучыні нашага віду спорту. Усе праекты, якія праводзіла федэрацыя, прайшлі паспяхова. Летась у каралевы спорту былі не толькі паражэнні, але і нямала перамог, якія дазволяць дамагчыся больш значных вынікаў у будучыні», — адзначыў старшыня федэрацыі Вадзім Дзевятоўскі.

Па выніках мінулага года найлепшымі лёгкаатлетамі краіны прызнаныя Аліна Талай (на фота) (бег на 60 і 100 м з бар'ерамі) і кідальнік молата Павел Барэйша.

Найлепшым мужчынскім трэнерам стаў Сяргей Афанасьеў, найлепшым жаночым трэнерам — Валерый Аксянчук.

Сярод моладзі перамогу святкавалі Дзмітрый Набокаў (скачкі ў вышыню, чэмпіён Еўропы сярод моладзі) і Эльвіра Герман (бег з бар'ерамі, сярэбраны прызёр чэмпіянату Еўропы сярод моладзі, сярэбраны прызёр Сусветнай універсіяды).

Найлепшымі лёгкаатлетамі ў катэгорыі «юніёры» сталі Максім Недасекаў: (скачкі ў вышыню, чэмпіён Еўропы сярод юніёраў) і Віялета Скварцова (трайны скачок, чэмпіёнка Еўропы сярод юніёраў, рэкардсменка Беларусі ў сваёй узроставай катэгорыі), якая таксама была ўдастоена намінацыі «Учынак года» за патрыятызм і павагу да дзяржаўнай сімволікі.

Федэрацыя лёгкай атлетыкі таксама заснавала спецыяльныя намінацыі:

«Прарыў года» — Павел Селівёрстаў (скачкі ў вышыню, бронзавы прызёр чэмпіянату Еўропы ў закрытых памяшканнях).

«Характар года» — Крысціна Ціманоўская (сярэбраны прызёр чэмпіянату Еўропы сярод моладзі на дыстанцыі 100 м. 4-е месца чэмпіянату Еўропы сярод моладзі на дыстанцыі 200 м).

«Каманда года» — жаночая зборная, якая заваявала Кубак Еўропы ў бегу на 10 000 м (Вольга Мазуронак, Святлана Кудзеліч, Анастасія Іванова, Ніна Савіна, Людміла Ляховіч).

Адзначым, што акрамя статуэтак пераможцы атрымалі грашовыя сертыфікаты.

Дар'я ЛАБАЖЭВІЧ

lobazhevich@zviazda.by

Загаловак у газеце: «Атлетыка» — узнагарода для самых лепшых

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.