27 красавіка авіякампанія “Белавія” выканае першы рэйс па маршруце Мінск — Растоў-на Доне — Мінск.
Палёты ў Растоў-на-Доне будуць ажыццяўляцца на рэгулярнай аснове чатыры разы на тыдзень з вылетам з Мінска ў 23.10 па панядзелках, серадах, пятніцах і суботах і прыбыццём у Міжнародны аэрапорт Растоў-на-Доне на наступны дзень у 1.25. Зваротны рэйс з Растова-на-Доне плануецца ажыццяўляць з вылетам у 4.00 па аўторках, чацвяргах, суботах і нядзелях з прылётам у Нацыянальны аэрапорт “Мінск” у 6.20. Час для ўсіх аэрапортаў названы мясцовы.
Як плануецца, запуск прамога рэйса паміж Мінскам і Растовам-на-Доне ў першую чаргу, будзе садзейнічаць эканамічнаму росту абодвух гарадоў і развіцці супрацоўніцтва Рэспублікі Беларусь і рэгіёнаў Расійскай Федэрацыі. Акрамя гэтага, гэты рэйс будзе папулярны ў перыяд Чэмпіянату свету па футболе FIFA 2018. Так, балельшчыкі з Беларусі і еўрапейскіх краін змогуць з камфортам дабрацца да Растова-на-Доне.
Палёты плануецца ажыццяўляць на камфартабельным авіялайнеры Embraer 175 пасажыраўмяшчальнасцю 76 месцаў. Час у шляху складзе каля 2 гадзін 20 хвілін.
Кошт авіябілетаў пры куплі на сайце belavia.by у адзін бок складзе ад 106 еўра, уключаючы таксы і зборы, і ад 199 еўра — туды-назад. Квіткі ўжо даступныя ў продажы.
— На дадзены момант беларускі перавозчык выконвае рэгулярныя рэйсы па наступных расійскіх напрамках: Масква (Дамадзедава), Міжнародны Аэрапорт Жукоўскі, Санкт-Пецярбург (Пулкава), Краснадар, Сочы, Калінінград (Храброва), Ніжні Ноўгарад, Казань (з красавіка 2018 г.), — паведаміла спецыяліст па сувязях з грамадскасцю ААТ “Авіякампанія “Белавія” Вольга Шчуко.
Міжнародны аэрапорт Растоў-на-Доне абслугоўвае міжнародныя і ўнутраныя авіярэйсы, уваходзіць у лік найбуйнейшых аэрапортаў Паўднёвай федэральнай акругі. З верасня 2014 года ўваходзіць у холдынг “Аэрапорты Рэгіёнаў”. Аэрапорт супрацоўнічае з 30 расійскімі і замежнымі авіякампаніямі. Маршрутная сетка звязвае Растоў-на-Доне рэгулярнымі і чартарнымі рэйсамі з 50 гарадамі Расіі і свету.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
