Вы тут

«Студзеньскія музычныя вечары» прадоўжацца летам


У Брэсце з трыумфам завяршыўся юбілейны ХХХ Міжнародны фестываль «Студзеньскія музычныя вечары». Сёлетні фэст класічнай музыкі сабраў больш за 500 удзельнікаў з 13 краін свету. А ўсяго, падлічылі арганізатары, за трыццаць гадоў гісторыі форуму Брэст наведалі больш за сем тысяч музыкантаў і выканаўцаў класічнай музыкі.


У гэтым годзе «Вечары» вызначыліся ўдзелам фактычна ўсіх вядучых аркестраў краіны. Так, напачатку фестываль прывітаў выступленнем Прэзідэнцкі аркестр Рэспублікі Беларусь. А ў апошні фестывальны дзень на сцэне Брэсцкага акадэмічнага тэатра драмы джазава-эстрадную праграму прадставіў гледачам Нацыянальны акадэмічны канцэртны аркестр пад кіраўніцтвам народнага артыста Беларусі Міхаіла Фінберга.

Аматараў класічнай музыкі парадавалі оперныя спевакі і знакамітыя музыканты. А перад пачаткам заключнага канцэрта «Вечароў» старшыня Брэсцкага гарвыканкама Аляксандр РАГАЧУК зрабіў нечаканую заяву. Кіраўнік горада паведаміў, што «Студзеньскія музычныя вечары» крыху мяняюць фармат і будуць прадоўжаны летам, калі Брэст святкуе дзень горада. Менавіта ў канцы ліпеня адбудзецца вялікі начны канцэрт класічнай музыкі. І яго слухачамі стануць не толькі тыя людзі, што загадзя купілі білеты, як гэта бывае зімой, а ўсе ахвотныя, бо канцэрт пройдзе на плошчы Леніна. Такім чынам, на думку мэра, моладзь будзе прывучацца да цудоўнага і вечнага жанру мастацтва — класічнай музыкі.

Святлана ЯСКЕВІЧ

yackevich@zviazda.by

Выбар рэдакцыі

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?

Калейдаскоп

Разбіраем модныя мастхэвы надыходзячага сезона: чым папоўніць гардэроб?

Разбіраем модныя мастхэвы надыходзячага сезона: чым папоўніць гардэроб?

Мода вясны — 2021 прапануе некалькі глабальных кірункаў: мінімалізм, унісекс і 1990-я.