Яшчэ на аднаго інвестара ў Магілёўскай вобласці стала больш. У аблвыканкаме падпісаны дагавор аб стварэнні ў Клімавіцкім раёне прадпрыемства па вырабе мяса індычкі. Падпісалі яго губернатар вобласці Уладзімір Даманеўскі і старшыня праўлення групы кампаній АRVІ Відмантас Кучынскас.
Літоўцы збіраюцца арганізаваць тут поўны цыкл вытворчасці, пачынаючы ад вырошчвання птушкі да паглыбленай перапрацоўкі мяса. Літоўскі інвестар паведаміў, што рэалізаваць задуманае плануецца ў наступныя некалькі гадоў. Кампанія збіраецца прыступіць да будаўнічых работ ужо вясной, праект ацэньваецца ў больш чым 50 мільёнаў долараў.
— Нашы інвестары будуць працаваць у рамках Указа № 235 «Аб сацыяльна-эканамічным развіцці паўднёва-ўсходняга рэгіёна Магілёўскай вобласці», які прадугледжвае адпаведныя прэферэнцыі, — адзначыла намеснік старшыні Клімавіцкага райвыканкама Аляксандра Міхеенка. — Са свайго боку мы прапануем ім усе неабходныя аб'екты інжынерна-транспартнай інфраструктуры. Для вытворчасці мы прадстаўляем тры зямельныя ўчасткі на тэрыторыі былога ваеннага гарадка, які размяшчаецца за 10 кіламетраў ад райцэнтра — каля вёскі Барсукі, і адзін — непасрэдна ў Клімавічах. У Барсуках плануецца будаўніцтва
30 птушнікаў для маладняку і адкорму індычкі, а ў райцэнтры размесціцца завод па забоі і перапрацоўцы птушкі. Праект дасць магчымасць стварыць каля 100 новых працоўных месцаў. Не выключана, што для супрацоўнікаў новага прадпрыемства будзе пабудаваны спецыяльны інтэрнат.
Нэлі ЗІГУЛЯ
23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.
Ад дапамогі дома пажылым і да стварэння крызісных пакояў для ахвяр хатняга гвалту.
Актыўная фаза камандна-штабнога вучэння Узброеных Сіл прайшла ў Беларусі ў верасні.
Паводле новага ўказа.
Дадаць каментар