Сі Цзіньпін правёў тэлефонную размову з Дональдам Трампам

Старшыня КНР адзначыў прагрэс у развіцці кітайска-амерыканскіх адносін.

Старшыня КНР Сі Цзіньпін правёў запланаваную тэлефонную  размова з прэзідэнтам ЗША Дональдам Трампам, перадае "Жэньмінь жыбаа" анлайн". 

Сі Цзіньпін адзначыў, што за мінулы год кітайска-амерыканскія адносіны ў цэлым развіваліся стабільна і дасягнулі важнага прагрэсу. Здаровае і стабільнае развіццё кітайска-амерыканскіх адносін адпавядае інтарэсам дзвюх краін і іх народаў, а таксама адпавядае агульным чаканням міжнароднай супольнасці. Бакам варта падтрымліваць кантакты на вышэйшым і іншых узроўнях, развіваць ролю чатырох механізмаў высокаўзроўневага дыялогу і правесці другі раўнд дыялогу ў вызначаны час. 

Па словах кітайскага лідара, кітайска-амерыканскае гандлёва-эканамічнае супрацоўніцтва прыносіць рэальную карысць народам дзвюх дзяржаў. Кітай і ЗША павінны вырашаць хвалюючыя іх гандлёва-эканамічныя пытанні, прытрымліваючыся канструктыўнага падыходу, а таксама адкрываць рынкі адзін аднаму і пашыраць сферы супрацоўніцтва. "Неабходна спрыяць развіццю двухбаковага супрацоўніцтва паміж узброеннымі сіламі і праваахоўнымі органамі, а таксама супрацоўніцтва ў гуманітарнай сферы і ў барацьбе з наркотыкамі, падтрымліваць цесныя кантакты і каардынацыю па важных міжнародных і рэгіянальных праблемах. Мы павінны паважаць ключавыя інтарэсы і важныя заклапочанасці адзін аднаго і забяспечыць тэндэнцыю здаровага і стабільнага развіцця кітайска-амерыканскіх адносін", - падкрэсліў Сі Цзіньпін. 

Дональд Трамп адзначыў, што амерыканскі бок надае павышаную ўвагу адносінам з Кітаем і амерыкана-кітайскаму супрацоўніцтву. ЗША гатовыя ўзмацніць кантакты на вышэйшым і на іншых узроўнях, пашырыць сферы практычнага супрацоўніцтва і вырашаць гандлёва-эканамічныя праблемы, каб спрыяць далейшаму развіццю двухбаковых адносін. Па просьбе калегі Сі Цзіньпін выклаў пункт гледжання кітайскага боку на цяперашнюю сітуацыю на Карэйскім паўвостраве і адзначыў пазітыўныя змены. Ён падкрэсліў, што ўсе бакі павінны прадоўжыць забяспечаную вялікімі намаганнямі тэндэнцыю да зніжэння напружанасці і стварыць умовы для аднаўлення дыялогу і перамоваў. "Дэнуклеарызацыі Карэйскага паўвострава, забеспячэнне на ім міру і стабільнасці адказваюць агульным інтарэсам усіх бакоў. Важна захаваць згуртаванасць міжнароднай супольнасці па гэтым пытанні. КНР гатова працягваць падтрымліваць цесныя кантакты і ўмацоўваць супрацоўніцтва з міжнароднай супольнасцю, у тым ліку і ЗША, каб праблема Карэйскага паўвострава атрымала належнае вырашэнне", - заявіў кітайскі лідар. Дональд Трамп адзначыў, што ЗША высока ацэньваюць ролю Кітая ў вырашэнні праблемы Карэйскага паўвострава і гатовы ўзмацніць кантакты і каардынацыю з кітайскім бокам.