Мерапрыемства накіравана на развіццё беларуска-кітайскага культурнага дыялогу, стварэнне ўмоў для раскрыцця рэжысёрскіх здольнасцяў моладзі і яе стымуляванне да вывучэння нацыянальнай культуры і традыцый Кітая і Беларусі.
Да ўдзелу ў фестывалі запрашаюцца непрафесійныя каманды школьнікаў, студэнтаў і іх бацькоў, а таксама ўсе ахвотныя. Пры гэтым геаграфічных абмежаванняў няма: свае работы могуць дасылаць як аўтары з Беларусі, так і з блізкага і далёкага замежжа.
Заяўкі прымаюцца да 15 лютага ўключна. Работы трэба даслаць да 1 сакавіка па электроннай пошце: rikkbgu2017@gmail.com.
Да конкурсу дапускаюцца разнажанравыя стужкі: кароткаметражныя гульнявыя і дакументальныя фільмы на рускай ці кітайскай мовах. У абавязковым парадку павінны быць кітайскія ці рускія субтытры адпаведна. Па ўмовах спаборніцтваў у стужках неабходна адлюстраваць як у Беларусі прадстаўлена багатая культура, гсторыя, старажытныя традыцыі, літаратура, мастацтва і кухня Кітая.
Завершыцца фестываль адкрытым праглядам і ўзнагароджаннем удзельнікаў конкурсу кіно. Паказ фільмаў запланаваны на 15 сакавіка.
Арганізатарамі і ініцыятарамі фестывалю выступаюць філалагічны факультэт і Республіканскі інстытут кітаязнаўства імя Канфуцыя БДУ.
Надзея НІКАЛАЕВА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.