Рэгіянальны фэст народнай творчасці «Каляднае сузор'е» трэці год запар аб'ядноўвае не толькі шэраг мясцовых калектываў. Да свята песні, танца і гумару з задавальненнем далучаюцца народныя артысты з Гродзенскай, Магілёўскай, Гомельскай і Брэсцкай абласцей.
У Любанскім краі ёсць традыцыя — Пабед Каляды, — якая сімвалізуе заканчэнне ўсіх калядных свят і мерапрыемстваў. Акурат праз два тыдні пасля Нараджэння Хрыстовага нашы продкі праводзілі Каляду. Праводзілі ўрачыста, з песнямі, з танцамі, каб на другі год Каляда зноў завітаў да іх.
— Традыцыя мела не толькі народны характар, гэта не чыста беларускае свята, — заўважае начальнік аддзела ідэалагічнай работы, культуры і па справах моладзі Любанскага райвыканкама Васіль КАТКАВЕЦ. — У фэсце будуць удзельнічаць і цыгане з Жыткавічаў, і казакі з Бабруйска, што сведчыць аб інтэрнацыянальным характары згаданай традыцыі.
Акрамя музычных падарункаў, кожны рэгіён, які прыме ўдзел у фэсце, прадставіць работы сваіх народных майстроў. Адметныя рэчы таго ці іншага краю, зробленыя сваімі рукамі, можна будзе не толькі паглядзець, а і набыць. Так званы горад майстроў, а таксама канцэртная пляцоўка размесцяцца пад дахам Палаца культуры ў аграгарадку Сарачы, што дзесьці за кіламетр ад Любані. Пачатак а 12-й гадзіне ў гэтую нядзелю.
Вераніка КАНЮТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Каментары