Вы тут

Фітасоль ад БДУ прызнана "Лепшым таварам Беларусі ў 2017 годзе"


Конкурс “Лепшыя тавары Рэспублікі Беларусь” арганізуецца па ініцыятыве Дзяржаўнага камітэта па стандартызацыі Рэспублікі Беларусь, а таксама мінскага і абласных выканаўчых камітэтаў. Праводзіцца ён пачынаючы з 2002 года. Пры падвядзенні вынікаў рэспубліканская конкурсная камісія ўлічвае водгукі спажыўцоў, якія паступілі ў адносінах да арганізацый-фіналістаў, іх прадукцыі і паслуг.


Фітасоль дыетычнай серыі “Універсум” з паніжаным утрыманнем хлорыстага натрыю, якую распрацавалі на ўнітарным прадпрыемстве “Унітэхпрам БДУ”, перамагла ў намінацыі "Харчовыя тавары" . Таксама распрацоўцы вучоных БДУ быў прысуджаны статус “Навінка года".

Харчовыя дыетычныя прафілактычныя фітасолі з паніжаным утрыманнем хлорыстага натрыю серыі “Універсум” прызначаныя для замены паваранай солі ў рацыёне чалавека. Яны выпускаюцца ў чатырох разнавіднасцях: “Універсум Тонус”, “Універсум Арома”, “Універсум Энерга” і “Універсум Плюс”. Уяўляюць сабой сыпкія сумесі харчовай солі, хлорыстага калію, сумесі спецый, гародніны, вострадухмяных траў, якія павышаюць парог смакавай адчувальнасці, амінакіслот і вітамінападобных рэчываў.

Сумесі забяспечваюць зніжэнне долі паваранай солі ў ежы да 30%, а пры змяншэнні спажывання солі зніжаецца рызыка развіцця артэрыяльнай гіпертэнзіі і іншых хвароб сістэмы кровазвароту. Збалансаваны прадукт прайшоў клінічныя выпрабаванні ў РНПЦ “Кардыялогія”, дзе была даказана эфектыўнасць зніжэння салявой залежнасці чалавека.

Надзея НІКАЛАЕВА

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.