У гэты дзень ў 9.00 каля помніка студэнтам і выкладчыкам універсітэта, якія загінулі ў гады Вялікай Айчыннай вайны, адбудзецца ўрачысты мітынг. У мерапрыемстве прымуць удзел міністр адукацыі Ігар Карпенка, кіраўніцтва БДПУ, прадстаўнікі ўпраўлення адукацыі Мінаблвыканкама, камітэта па адукацыі Мінгарвыканкама, пасольстваў Азербайджанскай Рэспублікі, Рэспублікі Казахстан, Расійскай Федэрацыі, Туркменістана ў Рэспубліцы Беларусь і іншыя афіцыйныя асобы.
53-ці інтэрнацыянальны Зорны паход студэнтаў і выкладчыкаў па месцах баявой і працоўнай славы беларускага народа будзе праходзіць з 23 да 26 студзеня 2018 года. Восем атрадаў агульнай колькасцю больш за 250 чалавек наведаюць за гэтыя дні ў Мінскай вобласці Крупскі, Барысаўскі, Стаўбцоўскі, Салігорскі раёны і горад Жодзіна , у Магілёўскай — Асіповіцкі раён і Бабруйск і ў Гродзенскай вобласці – Ашмянскі раён.
Удзельнікі паходу сустрэнуцца з ветэранамі Вялікай Айчыннай вайны і ветэранамі працы, акажуць ім шэфскую дапамогу, правядуць мітынгі і ўскладуць памятныя вянкі да мемарыяльных комплексаў, брацкіх магіл салдат і мірных жыхароў, якія загінулі ў гады Вялікай Айчыннай вайны.
Падчас паходу студэнты і выкладчыкі наведаюць установы адукацыі, дзе правядуць прафарыентацыйныя гутаркі са старшакласнікамі, майстар-класы па розных напрамках вучэбнай і пазавучэбнай дзейнасці, мерапрыемствы па здаровым ладзе жыцця і іншыя.
Разам са студэнтамі БДПУ з Беларусі, Туркменістана, Кітая ў 53-м Зорным паходзе прымуць удзел і студэнты з Маскоўскага дзяржаўнага педагагічнага ўніверсітэта, Расійскага ўніверсітэта дружбы народаў, Усходне-Казахстанскага дзяржаўнага тэхнічнага ўніверсітэта, Еўразійскага нацыянальнага ўніверсітэта імя Л.Н. Гумілёва (Рэспубліка Казахстан) і Бакінскага славянскага ўніверсітэта.
Даведка:
Упершыню Зорны паход прайшоў у 1966 годзе. Студэнты Мінскага дзяржаўнага педагагічнага інстытута (цяпер БДПУ) прынялі ўдзел ва Усесаюзным паходзе моладзі па месцах рэвалюцыйнай, баявой і працоўнай славы савецкага народа. Удзельнікі паходу стартавалі з розных населеных пунктаў краіны. На карце схема маршруту па форме нагадвала зорку, што і падарыла зімоваму паходу назву “зорны”.
Надзея НІКАЛАЕВА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.