20 Люты, аўторак

Вы тут

Раім схадзіць


Калядныя сустрэчы ў доме Коласа, інтэрактыўная экскурсія ў Нацыянальнай бібліятэцы, навуковае шоу для ўсёй сям'і і вытава «Леў Барадулін. Легенда спартыўнай фатаграфіі» — афіша «Звязды» з 22 па 28 студзеня.


Калядныя сустрэчы ў доме Коласа

Дзе: Музей Якуба Коласа (вул. Акадэмічная, 5)

Калі: 25 студзеня, 16:00

Колькі каштуе: удакладняць у касе

Якуб Колас любіў сваіх сяброў, заўсёды жыў напоўніцу і з адкрытым сэрцам дапамагаў, як мог: словам, парадай, падтрымкай у цяжкія і бязрадасныя хвіліны. 25 студзеня ў музеі пройдзе творчы вечар Навума Гальпяровіча «На шляху да сябе...».


Інтэрактыўная экскурсія «Ажыўшыя кнігі»

Дзе: Нацыянальная бібліятэка Беларусі (пр-т Незалежнасці, 116)

Калі: з 23 студзеня па 28 лютага, 10:00

Колькі каштуе: удакладняць у касе

Вас чакае сустрэча з кнігай-малышкай і кнігай-гігантам, але галоўнае — вы ўбачыце, як на старонках «ажываюць» героі 4D-кніг! З дапамогай электронных планшэтаў зможаце самі ажывіць ілюстрацыі кніг з дапоўненай рэальнасцю і пагрузіцца ў свет чараўніцтва. 

Прыемным завяршэннем сустрэчы стане незабыўны ўздым на аглядную пляцоўку бібліятэкі, адкуль адкрываецца цудоўны від на сталіцу з вышыні 73 метраў.


Навуковае шоу для ўсёй сям'і

Дзе: ГЦ «Скала» (вул. Глебкі, 5)

Калі: 27 студзеня, 14:00

Колькі каштуе: бясплатна

Вас чакаюць займальныя досведы і відовішчныя эксперыменты, цікавыя майстар-класы, галаваломкі, а таксама дэманстрацыя навуковых экспанатаў. Хочаце адчуць сябе амаль чараўніком і ўбачыць цуды на свае вочы? А пасля гэтага паспрабаваць паўтарыць? Тады спяшаецеся ў ГЦ «Скала» на незабыўнае сапраўднае навуковае шоу.


Выстава «Асаблівы фотаздымак»

Дзе: Музей гісторыі беларускага кіно (вул. Свярдлова, 4)

Калі: з 23 студзеня па 18 лютага

Колькі каштуе: удакладняць у касе

На выставе будуць прадстаўлены аўтарскія ручныя адбіткі, выкананыя ў тэхніцы срэбна-жэлацінавага друку. Эстэтыку аналагавай фатаграфіі дапоўняць тэксты, напісаныя рукой саміх фатографаў. Чаму яны лічаць менавіта гэтую фатаграфію асаблівай? Якая перадгісторыя суправаджае працу? Пра што думаў у момант здымкі сам аўтар? Куратары выставы паспрабуюць выйсці за рамкі толькі візуальнай падачы матэрыялу вядомых беларускіх фатографаў, сумясціўшы яе з літаратурнай часткай, якая стане канцэптуальным элементам экспазіцыі.


Вытава «Леў Барадулін. Легенда спартыўнай фатаграфіі»

Дзе: Мастацкая галерэя Міхаіла Савіцкага (пл. Свабоды, 15)

Калі: з 24 студзеня па 25 лютага

Колькі каштуе: удакладняць у касе

24 студзеня адкрыецца выстава легендарнага спартыўнага фатографа Льва Барадуліна, прымеркаваная да 95-годдзя класіка і ХХIII Зімовых Алімпійскіх гульняў. Публіцы будуць прадстаўлены здымкі, якія сталі класікай сусветнай фатаграфіі — вінтажныя аўтарскія адбіткі, якія ніколі раней не экспанаваліся ў Беларусі.


Выстава лялек «Крохкія мары»

Фота: babiki.ru

Дзе: галерэя мастацтваў «Гал-творчасць» (пр-т Незалежнасці, 47)

Калі: па 1 лютага, 12:00-20:00

Колькі каштуе: 6 р.; дзеці, студэнты і пенсіянеры — 3 р.

На выставе прадстаўлена каля 50 лялек вядомых сусветных майстроў: Fayzah Spanos, Christine Orange, Donna RuBert, Adora, HildeGard GunZel, Martha Pineiro. Таксама прымаюць удзел працы мастакоў сям'і Івановых і Рымашэўскага.


Выстава «Гіперсувязі»

Дзе: арт-гасцёўня «Высокае месца» (вул. Герцэна, 2а)

Калі: па 25 лютага

Колькі каштуе: 3 р.; студэнты — 2 р.; дзеці — 1.50 р.

Выстава «Гіперсувязі» — гэта адлюстраванне працэсаў пераемнасці і трансфармацый у сучасным мастацтве на прыкладзе мастацкага тэкстылю і касцюма. Гэта сувязь класікі і сучаснасці, народнай культуры і эксперыментальных падыходаў.

У экспазіцыі прадстаўлены курсавыя і дыпломныя праекты, выкананыя студэнтамі спецыяльнасцяў «Мастак па тэкстылю» і «Мастак па касцюму» Беларускай дзяржаўнай акадэміі мастацтваў за 2015-2017 г.г.

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?