У сталічную міліцыю пазваніла дзяўчына, якая паведаміла, што на яе напаў невядомы мужчына. Атрымаўшы адпор, зламыснік забраў дамскую сумачку пацярпелай і збег.
Прыкметы падазраванага тут жа перадалі ўсім міліцэйскім нарадам. Рухаючыся на аўтамабілі па вуліцы Прытыцкага, праваахоўнікі заўважылі мужчыну, які ішоў шпаркім крокам. Падазрэнні выклікалі запэцканае адзенне і надзетая навыварат куртка. Мужчыну даставілі ў міліцыю. Было ўстаноўлена, што гэта і ёсць нападнік — 34-гадовы непрацуючы мінчанін. Ён заўважыў пацярпелую на прыпынку, пайшоў за ёй і на малаасветленым участку накінуўся ззаду, паваліў на зямлю і паспрабаваў здзейсніць гвалтоўныя дзеянні сексуальнага характару. Аднак дзяўчына не разгубілася і аказала актыўнае супраціўленне. Пад руку на зямлі ёй трапіла бутэлька, якой яна ўдарыла мужчыну. Пасля чаго той і збег, прыхапіўшы сумачку ахвяры. Як паведамілі ў Фрунзенскім РУУС г. Мінска, таксама было ўстаноўлена, што затрыманы можа мець дачыненне да кватэрнага крадзяжу, здзейсненага ў доме па вуліцы Прытыцкага. Заведзены крымінальныя справы за грабеж, крадзеж і спробу гвалтоўных дзеянняў сексуальнага характару. Раней мінчанін неаднаразова прыцягваўся да крымінальнай адказнасці за крадзяжы.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.