Інфармацыя пра гэта са спасылкай на групу інфармацыі і грамадскіх сувязяў УУС Віцебскага аблвыканкама размешчана на сайце Міністэрства ўнутраных спраў.
На прадаўца марыхуаны аператыўнікі выйшлі падчас правядзення аператыўных мерапрыемстваў у адносінах да пакупнікоў наркатычных рэчываў. Раскручваючы ланцужок “спажывец — пастаўшчык”, было ўстаноўлена, што да збыту марыхуаны мае дачыненне 47-гадовы мясцовы жыхар.
Падчас вобыску супрацоўнікі міліцыі ў асобнай кватэры знайшлі памяшканне для вырошчвання канопляў, а таксама канфіскавалі паўсотні кілаграмаў ужо высушанага і гатовага да спажывання наркатычнага рэчыва — марыхуаны.
Апроч забароненых да абароту псіхатропаў у кватэры праваахоўнікі канфіскавалі і вялікі арсенал зброі — два пісталеты сістэмы ТТ, пісталет Марголіна, дзве вінтоўкі, адна з якіх была з аптычным прыцэлам і глушыцелем, абрэз паляўнічай стрэльбы, тры трацілавых шашкі, больш за 5 тысяч патронаў рознага калібру, аптычныя прыцэлы. Для ўстанаўлення баявых якасцяў зброі прызначаны балістычныя экспертызы.
Таксама ў кватэры мужчына арганізаваў вытворчасць самагону. Канфіскавана амаль 300 літраў спіртаўтрымліваючай вадкасці і два самагонныя апараты.
Жыхар Наваполацка затрыманы. Праваахоўнікам трэба будзе высветліць, з якой мэтай гараджанін захоўваў зброю, а таксама ўстанавіць магчымую датычнасць канфіскаванага арсенала да здзяйснення злачынстваў.
Сяргей РАСОЛЬКА
Мерапрыемства праводзіцца на добраахвотнай аснове.
Не выявіць ні секунды абыякавасці.
