Зацверджаны праект зон аховы матэрыяльнай гісторыка-культурнай каштоўнасці "Аўгустоўскі канал". Гэта прадугледжана пастановай Міністэрства культуры нумар 1 ад 10 студзеня 2018 года, якая сёння афіцыйна апублікавана на Нацыянальным прававым інтэрнэт-партале.
Плошча гісторыка-культурнай каштоўнасці складае 129,18 га. У яе склад уваходзяць: водны шлях, які ўключае зарэгуляваны ўчастак ракі Чорная Ганча ад дзяржаўнай граніцы з Польшчай да вёскі Сонічы (13 км), участак канала ад вёскі Сонічы да шлюза Нямнова (6,5 км), гідравузлы Нямнова і Дамброўка, злучальны канал ад суднаходнага шлюза Нямнова да ўпадзення ў раку Нёман (2,4 км), гідравузлы Валкушык і Кужынец.
Праект зон аховы распрацаваны праектным філіялам ААТ "Белрэстаўрацыя" па заказе адміністрацыі свабоднай эканамічнай зоны "Гроднаінвест".
Пастанова ўступае ў сілу праз 15 рабочых дзён пасля падпісання.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
