Вы тут

Тэма для рознагалосся


Найбольшае гучанне ў 2017 годзе набылі праекты Саюза пісьменнікаў Беларусі, прысвечаныя 500-годдзю беларускага кнігадрукавання. Сведчанне іх вартасці — спецыяльны дыплом, атрыманы СПБ падчас падвядзення вынікаў скарынаўскага года ў Нацыянальнай бібліятэцы Беларусі. Так рэспубліканскі аргкамітэт адзначыў творчы ўнёсак беларускіх літаратараў у скарынаўскую тэму, прадстаўленую яскравай палітрай новых твораў.


Падчас узнагароджання

Мінчанка Наталля Голубева стала аўтарам сцэнарыя фільма «Скарына», створанага па заказе Міністэрства інфармацыі Рэспублікі Беларусь. Зінаідзе Дудзюк з Брэста належыць аўтарства драмы «Скарына з Полацка». Мікалай Барысенка з Магілёва прапанаваў гістарычна-паэтычную вандроўку «Слаўны сын Беларусі». Дзіцячы праект мінчанкі Алены Стэльмах «У гасцях у Францыска Скарыны» займеў міжнароднае гучанне.

Постаць Францыска Скарыны, цярністы шлях першадрукара, значнасць для нас, сучаснікаў, яго кніжнай спадчыны яскрава ўвасоблены і ў паэтычных радках. Асаблівай адзнакі варты цыкл вершаў Уладзіміра Цануніна з Вілейкі, верш «Скарынавы вытокі» Георгія Тамашэвіча з Брэста, скарынінскія вершы сталічных аўтараў Анатоля Зэкава і Аліны Легастаевай. Важны і той факт, што ўпершыню песня мінчука Івана Юркіна пра запаветы Скарыны прагучала на святочнай сцэне падчас святкавання Дня беларускага пісьменства ў Полацку.

Увесь мінулы год у розных кутках краіны праходзілі мерапрыемствы ў гонар нашага слыннага земляка, ініцыятарамі якіх былі члены Саюза пісьменнікаў Беларусі: Тамара Гусачэнка, Галіна Загурская, Мікалай Балдоўскі, Валерый Вятошкін, Іна Спасібіна, Аліна Сабуць і інш.

Паводле літаратараў, год 500-годдзя беларускага кнігадрукавання даў магутны штуршок для творчасці, для больш глыбокага асэнсавання беларускай пісьменнасці, ролі і значнасці роднай мовы.

Мінская міжнародная выстаўка-кірмаш, да якой цяпер актыўна рыхтуюцца ва ўсіх аддзяленнях СПБ, стане выдатнай пляцоўкай, дзе беларускія літаратары праявяць еднасць памкненняў і прадставяць лепшыя творчыя здабыткі.

Марыя ЛІПЕНЬ

Фота Яўгена Пясецкага

Дадаць каментар

Выбар рэдакцыі

Грамадства

Надзея для Вары

Надзея для Вары

Калi хварэюць блiзкiя, гэта заўсёды гора, але няма гора большага, чым калi хварэюць дзецi. 

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.