Вы тут

Палюшкі


Раней ва Украіне тварог перасыпалі соллю, утрамбоўвалі, апускалі ў склеп на захоўванне для выкарыстання зімой, у перыяд, калі карова не дае малака. А бульбу потым дадавалі, каб у спалучэнні з тварагом смак гатовай стравы быў менш салёны. І начынку для варэнікаў рабілі — салёны тварог і вараная бульба. Калі начынка заставалася, у яе падмешвалі муку і рабілі палюшкі.


Спатрэбіцца: бульба (звараная «ў мундзіры») — 500 г, тварог (чым тлусцейшы, тым лепш) — 200 г, мука — 7 ст. л., яйка — 1 шт., смятана (калі тварог нятлусты) — 1 ст. л., соль.

Тварог праціраем праз сіта ці ўзбіваем блэндарам да аднастайнасці. У нятлусты дадаём лыжку смятаны, затым яйка ды соль (каб было дастаткова салёна) і змешваем. На сырнай тарцы надзіраем 500 г адваранай «у мундзіры» і астылай бульбы. Змешваем бульбу з тварагом і паступова дадаём муку. Трэба быць гатовымі, што муку давядзецца насыпаць «на вока». Бывае, што і 5 ст. лыжак хопіць, а іншы раз давядзецца і 12 умешваць. Замешваем цеста так, каб яго можна было скочваць у каўбаскі. Яно павінна атрымацца злёгку сыраватае і ліпучае, але цалкам кіруемае.

Дзелім цеста на 4 часткі, і з кожнай скочваем каўбаску. Кожную каўбаску дзелім нажом на невялікія (прыкладна з грэцкі арэх) роўныя часткі. Атрыманыя кавалачкі абвальваем у муцэ. Цяпер скручваем з цеста шарыкі і прыціскаем з аднаго боку відэльцам. Адварваюць палюшкі ў кіпячай падсоленай вадзе з даданнем 1 ст. лыжкі алею. Вараць 2—3 хвіліны пасля ўсплывання.

Дастаём шумоўкай і падаём з маслам і смятанай. Вельмі смачна з кропам.

Яны спалучаюцца практычна з усім (з мясам, птушкай, агародніннымі соусамі, салодкімі соусамі). Можна падсмажыць дробнанарэзаную грудзінку з цыбуляй і паліць гэтай смажанінай палюшкі.

Выбар рэдакцыі

Грамадства

Ірына Касцевіч: Палепшыць сітуацыю на рынку працы можна не толькі шляхам павышэння пенсійнага ўзросту

Ірына Касцевіч: Палепшыць сітуацыю на рынку працы можна не толькі шляхам павышэння пенсійнага ўзросту

Як пандэмія змяніла рынак працы ў Беларусі і ці атрымалася аднавіць попыт наймальнікаў на рабочую сілу?

Эканоміка

На якіх банкаўскіх укладах заробіш больш

На якіх банкаўскіх укладах заробіш больш

Самыя вялікія працэнты — у рублёвых дэпазітах.