Вы тут

Дапамога — па адрасе


Калі сям'я з'яўляецца малазабяспечанай або чалавек з аб'ектыўных прычын апынуўся ў цяжкай жыццёвай сітуацыі (з прычыны поўнай непрацаздольнасці з-за інваліднасці ці дасягнення 80-гадовага ўзросту, а таксама няздольнасці да самаабслугоўвання ў сувязі з хваробай; з-за стыхійных бедстваў, катастроф, пажару і інш.), яны маюць права звярнуцца па Дзяржаўную адрасную сацыяльную дапамогу (ДАСД). Прычым такое права маюць як грамадзяне Беларусі, так і замежныя грамадзяне і асобы без грамадзянства, якія пастаянна пражываюць у нашай краіне.


Адрасную дапамогу (ДАСД) у Беларусі можна атрымаць у выглядзе:

  • штомесячнай і (або) аднаразовай сацыяльных дапамог (выдаецца на набыццё прадуктаў харчавання, лекаў, адзення, абутку, школьных прылад і на іншыя патрэбы для забеспячэння нармальнай жыццядзейнасці, а таксама на аплату (цалкам або часткова) жыллёва-камунальных паслуг);
  • сацыяльнай дапамогі для пакрыцця выдаткаў на набыццё падгузкаў;
  • забеспячэння прадуктамі харчавання дзяцей першых двух гадоў жыцця.

Акрамя заявы і пашпарта, для кожнага віду дапамогі трэба падаць свой пакет дакументаў. Рашэнне аб выдзяленні (аб адмове ў выдзяленні) адраснай дапамогі, яе форме і перыядзе атрымання прымаецца спецыяльнай камісіяй. Пры гэтым для працаздольных грамадзян камісія можа распрацаваць план па самастойным паляпшэнні матэрыяльнага становішча. У далейшым пры паўторным звароце па дапамогу яе выплата такім грамадзянам будзе залежаць ад выканання гэтага плана.

У 2017 годзе дзяржаўную адрасную сацыяльную дапамогу атрымалі 310,2 тыс. чалавек.

Святлана Бусько

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.