Вы тут

У Вене адбудуцца пасяджэнні беларуска-аўстрыйскай міжурадкамісі


На пачатку наступнага тыдня ў Вене адбудуцца пасяджэнні беларуска-аўстрыйскай міжурадкамісіі па гандлёва-эканамічным супрацоўніцтве і беларуска-аўстрыйскага дзелавога савета. Пра гэта на брыфінгу паведаміў начальнік упраўлення інфармацыі і лічбавай дыпламатыі — прэс-сакратар МЗС Дзмітрый МІРОНЧЫК. Нашу дэлегацыю ўзначаліць намеснік міністра замежных спраў і сустаршыня міжурадкамісіі Алег Краўчанка.


На пасяджэнні плануюць абмеркаваць інвестыцыйнае супрацоўніцтва і перспектывы двухбаковага гандлёва-эканамічнага развіцця, а таксама ўзаемадзеянне ў галінах прыродаахоўных тэхналогій, аднаўляльнай энергетыкі, рэгіянальнага супрацоўніцтва і турызму. Акрамя таго, запланаваны правядзенне беларуска-аўстрыйскага дзелавога савета, двухбаковы бізнес-форум і кантактна-кааперацыйная біржа.

Тым часам у Мінску пройдзе пасяджэнне міжурадавай беларуска-грузінскай камісіі па эканамічным супрацоўніцтве. На ім плануецца падвесці вынікі мінулага года і абмеркаваць рэалізацыю праектаў у прамысловасці, сельскай гаспадарцы, транспарце і іншых галінах. «У цэлым хацеў бы адзначыць, што Беларусь і Грузія прыкметна прасунуліся ў эканамічнай сферы за апошні час. У 2016 годзе тавараабарот паміж нашымі краінамі павялічыўся на 63 % да 73,2 млн долараў. За студзень — лістапад мінулага года ён узрос яшчэ амаль на чвэрць», — паведаміў Дзмітрый Мірончык. Беларускую частку міжурадкамісіі ўзначаліць намеснік прэм'ер-міністра Міхаіл Русы.

Загаловак у газеце: Двухбаковае партнёрства

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.