Вы тут

2 млн тон плануюць выпускаць на Нежынскім абагачальным камбінаце


Прайшло літаральна два месяцы, як карэспандэнт «Звязды» пабывала на пляцоўцы, дзе будуецца Нежынскі горна-абагачальны камбінат, непадалёку ад Любані. За гэты час тут адбыліся значныя перамены, з'явілася шмат новых канструкцый, абсталявання. Штодзень на аб'екце працуюць 300 чалавек і 150 адзінак тэхнікі. Усе работы ідуць па плане, у штатным рэжыме.


Галоўны спецыяліст па збудаваннях капітальных выпрацовак замежнага таварыства з абмежаванай адказнасцю «Слаўкалій» Ігар Парадзін паведаміў, што ў канцы студзеня плануецца запуск трох замарожвальных станцый у тэставым рэжыме. Сутнасць тэхналогіі ў тым, што на глыбіні 156 метраў будзе цыркуляваць холадагент, які панізіць тэмпературу грунту да мінус 35 градусаў і засцеражэ шахту ад пранікнення падземных водаў і затаплення, паколькі радовішча знаходзіцца ў балоцістай мясцовасці. Такі метад ужо прымяняецца на найбуйнейшых сусветных залежах карысных выкапняў

— Каля 2—3 месяцаў будзе ісці мантаж праходчага абсталявання і капра, і прыкладна да пачатку 2019 года мы выйдзем на паўнавартасную праходку механізаваным спосабам, — дадаў спецыяліст.

Мяркуецца, што Нежынскі камбінат будзе выпускаць да 2 млн тон калійных угнаенняў штогод. Гэта яшчэ 20 % да таго, што сёння здабывае «Беларуськалій». Плануецца, што будаўніцтва камбіната закончыцца да 2020-га, а праз два гады ён будзе ўведзены ў дзеянне, паколькі для паўнацэннага яго функцыянавання трэба стварыць неабходную інфраструктуру. У прыватнасці, пабудаваць адміністрацыйна-бытавы комплекс, цеплаэлектрацэнтраль, газаправод, які дазволіць у перспектыве газіфікаваць больш як 20 населеных пунктаў раёна. Акрамя таго, ужо пачалося будаўніцтва чыгуначнай лініі ад пасёлка Урэчча да Любані.

На прадпрыемстве будзе працаваць больш як 2 тыс. чалавек. У сувязі з гэтым распрацавана праграма падрыхтоўкі кадраў горнай справы, тэхналагічнага, электратэхнічнага профілю.

— Па самых сціплых падліках насельніцтва Любані павялічыцца на 6 тыс. чалавек, — адзначыў старшыня Любанскага райвыканкама Сяргей Казецкі.

І, вядома, ужо сёння тут будуюцца жыллё, аб'екты інфраструктуры. У прыватнасці, старшыня савета дырэктараў «Слаўкалія» Міхаіл Гуцэрыеў у канцы кастрычніка мінулага года падараваў гораду новы 40-кватэры дом.
У ім толькі двух- і трохпакаёвыя кватэры. Раённыя ўлады засялілі сюды людзей, якія стаялі на чарзе на паляпшэнне жыллёвых умоў. Як адзначыў Міхаіл Гуцэрыеў, прадугледжана будаўніцтва яшчэ пяці такіх дамоў з адпаведнай структурай, добраўпарадкаванымі дварамі, дзіцячымі пляцоўкамі для работнікаў камбіната. Акрамя таго, на савеце дырэктараў кампаніі прынятае рашэнне дадаткова ўзвесці пяць дамоў і на бясплатнай аснове перадаць іх ва ўласнасць райцэнтра.

Запасы Нежынскага радовішча — каля 3 млрд тон калію. Расійская прамысловая група «Сафмар», у структуру якой уваходзіць «Слаўкалій», у будаўніцтва комплексу ўкладзе 600 млн долараў. Акрамя таго, кітайскі банк выдзеліў крэдыт на 1,4 млрд долараў на 14 гадоў пад 4 % гадавых.

У будаўніцтве задзейнічаны беларускія фірмы, а таксама нямецкія кампаніі Hеrrеnknесht і Dеіlmаnn-Hаnіеl. Унікальнасць праекта заключаецца ў адмове ад метаду выбуховых работ, які традыцыйна выкарыстоўваецца пры свідраванні ствалоў будучых шахтаў. Праходка да канчатковай глыбіні будзе выконвацца высокамеханізаваным комплексам.

Як вядома, узвядзенне Нежынскага горна-абагачальнага комплексу ў Любанскім раёне пачалося ў верасні 2015 года. На цырымоніі адкрыцця Прэзідэнт Беларусі Аляксандр Лукашэнка адзначыў, што ў перспектыве гэта дазволіць павялічыць вытворчасць калійных угнаенняў да 14 млн тон у год.


Пла­ну­ец­ца, што бу­даў­ніц­тва кам­бі­на­та за­кон­чыц­ца да 2020-га, а праз два га­ды ён бу­дзе ўве­дзе­ны ў дзе­ян­не, па­коль­кі для паў­на­цэн­на­га яго функ­цы­я­на­ван­ня трэ­ба ства­рыць не­аб­ход­ную інф­ра­струк­ту­ру. У пры­ват­нас­ці, па­бу­да­ваць 
ад­мі­ніст­ра­цый­на-бы­та­вы комп­лекс, цеп­ла­элект­ра­цэнт­раль, га­за­пра­вод, які да­зво­ліць у перс­пек­ты­ве га­зі­фі­ка­ваць больш як 20 на­се­ле­ных пунк­таў ра­ё­на.

Таццяна ЛАЗОЎСКАЯ

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.