Вы тут

У Мінску прайшло пасяджэнне Савета пастаянных прадстаўнікоў СНД


Кандыдатуры кіраўнікоў місіі назіральнікаў на выбарах у Расіі і Туркменістане абмеркаваў Савет пастаянных прадстаўнікоў СНД. Плануецца, што кіраўніком місіі на прэзідэнцкіх выбарах у Расійскай Федэрацыі стане першы намеснік старшыні Выканаўчага камітэта СНД Віктар Гумінскі. На парламенцкіх выбарах у Туркменістане дэлегацыю ад СНД узначаліць старшыня Выканаўчага камітэта Сяргей Лебедзеў.


Падчас пасяджэння таксама абмеркавалі парадак дня чарговага пасяджэння Савета міністраў замежных спраў, якое адбудзецца 6 красавіка ў Мінску. Працаваць у гэтым годзе Савет пастаянных прадстаўнікоў СНД будзе пад кіраўніцтвам новага старшыні — пастаяннага паўнамоцнага прадстаўніка Рэспублікі Таджыкістан, Надзвычайнага і Паўнамоцнага Пасла Таджыкістана ў Беларусі Махмадшарыфа Хакдода. Прадставіў Сяргей Лебедзеў і свайго новага намесніка Агыбая Смагулава.

Асноўнымі кірункамі дзейнасці для СНД на 2018 год, па словах Сяргея Лебедзева, стануць умацаванне бяспекі краін — членаў Садружнасці і эканамічнае ўзаемадзеянне. «Прыярытэтам застаецца эканамічнае супрацоўніцтва. Нам важна працягваць рэалізацыю дагавора аб зоне свабоднага гандлю. Мы зараз працуем над падрыхтоўкай пагаднення аб зоне свабоднага гандлю паслугамі», — заявіў Сяргей Лебедзеў.

Асаблівая ўвага ў 2018 годзе, які аб'яўлены Годам культуры ў СНД, удзяляецца і гуманітарнаму супрацоўніцтву.

***

У той жа дзень з новым старшынёй Савета, Паслом Рэспублікі Таджыкістан у Беларусі сустрэўся старшыня Палаты прадстаўнікоў Нацыянальнага сходу Беларусі Уладзімір Андрэйчанка. Падчас сустрэчы беларускі спікер выказаў надзею, што работа органаў СНД і надалей будзе ўдасканальвацца. «Важна, каб у СНД быў не толькі дыялог, але і прымаліся практычныя меры, накіраваныя на паляпшэнне нашых адносін, жыцця нашых людзей», — адзначыў ён.

Таксама Уладзімір Андрэйчанка нагадаў, што ў парламентах Беларусі і Таджыкістана створаны групы дружбы. Парламентарый мяркуе, што ім трэба больш ініцыятыўна працаваць. «Было б добра, каб у найбліжэйшай перспектыве было адпрацавана пагадненне аб супрацоўніцтве паміж парламентамі Беларусі і Таджыкістана», — прапанаваў спікер.

Адна з не менш значных задач, якая стаіць перад абодвума парламентамі, — рост гандлёва-эканамічных адносін. Пра выставу беларускай прадукцыі, якая будзе прадстаўлена ў Душанбэ ўжо гэтай вясной, нагадаў спадар Пасол і дадаў, што гэта стане дадатковай магчымасцю для падпісання двухбаковых дакументаў паміж нашымі краінамі.

Марыя ДАДАЛКА

Вераніка ПУСТАВІТ

Загаловак у газеце: СНД абрала назіральнікаў

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.