Вы тут

Пётр Шуцько: Намаганні ўлады накіруюцца на садзейнічанне занятасці


Комплексны падыход у вырашэнні пытанняў занятасці насельніцтва павінен забяспечыць Дэкрэт № 1. Старшыня камітэта па працы, занятасці і сацыяльнай абароне Гомельскага аблвыканкама Пётр Шуцько адзначыў, што намаганні ўсіх галін органаў улады будуць накіраваны на садзейнічанне занятасці.


— Спецыяльна створаныя камісіі, у склад якіх увойдуць дэпутаты розных узроўняў, прадстаўнікі службы занятасці, ЖКГ, УУС, грамадскіх аб'яднанняў, усебакова вывучаць кожную сітуацыю. Прычым вырашацца пытанні занятасці кожнага чалавека будуць з улікам індывідуальнага падыходу, спецыфікі таго ці іншага раёна. Дарэчы, у рэгіёне беспрацоўныя могуць прайсці перанавучанне і павышэнне кваліфікацыі па запатрабаваных на рынку працы спецыяльнасцях, ім аказваецца дапамога ў перасяленні на новае месца жыхарства, даецца магчымасць атрымаць субсідыі для арганізацыі прадпрымальніцкай дзейнасці. Летась магчымасцю адкрыць сваю справу скарысталіся 386 беспрацоўных. Плануецца, што і сёлета субсідыі атрымаюць каля 400 чалавек.

Ад 11 да 15 бюджэтаў пражытковага мінімуму звычайна атрымліваюць прадпрымальнікі-пачаткоўцы праз службы занятасці. Большую суму — звычайна тыя, хто жыве на вёсцы ці ў малых гарадах з устойліва высокім узроўнем беспрацоўя. Як правіла, на гэтыя сродкі набываецца абсталяванне, неабходнае для ажыццяўлення абранага віду дзейнасці. Для беспрацоўных праводзяцца спецыяльныя курсы па асновах прадпрымальніцкай дзейнасці, аказваецца метадычная і прававая дапамога. У тым ліку, кансультацыі па стварэнні бізнес-плана.

Між тым на Гомельшчыне часцей за ўсё сваю справу беспрацоўныя адкрываюць у сферы аказання паслуг. Папулярнасцю карыстаюцца такія віды дзейнасці, як аддзелачныя работы, груза- і пасажыраперавозкі, цырульніцкія паслугі, рамонт і пашыў адзежы. З'явіліся і новыя: бухгалтарскі ўлік, кансультаванне па падаткаабкладанні, вытворчасць мэблі, драўляных будаўнічых канструкцый і сталярных вырабаў, дзённы догляд дзяцей. Фінансавую падтрымку таксама можна атрымаць на стварэнне сялянскай (фермерскай) гаспадаркі, прыватнага ўнітарнага прадпрыемства, арганізацыю рамесніцкай дзейнасці, развіццё аграэкатурызму.

Увогуле ж на рынку працы назіраецца пэўны дысбаланс попыту і прапановы. Высокакваліфікаваныя спецыялісты, такія як медыцынскія работнікі, напрыклад, паўсюль запатрабаваны. Хутка знойдуць працу швачкі, муляры, бетоншчыкі. У сельскай гаспадарцы па-ранейшаму не хапае механізатараў і аператараў машыннага даення, а таксама аграномаў і ветэрынараў. Але ж сярод беспрацоўных самым вялікім попытам карыстаюцца вакансіі, дзе не патрэбны асаблівыя навыкі і кваліфікацыя. Пры гэтым вакансій вартаўнікоў, вахцёраў і прыбіральшчыц няма. Для таго каб насыціць рынак неабходнымі спецыялістамі, праводзіцца перанавучанне і павышэнне кваліфікацыі беспрацоўных. Летась у вобласці прайшлі перанавучанне больш за дзве тысячы чалавек. Сёлета плануецца працаўладкаваць на новыя створаныя працоўныя месцы каля сямі тысяч чалавек.

Дарэчы

На 1 студзеня ўзровень зарэгістраванага беспрацоўя ў Гомельскай вобласці склаў 0,7 % да эканамічна актыўнага насельніцтва. Каэфіцыент напружанасці на рынку працы — 0,5. Значыць, на аднаго беспрацоўнага ёсць дзве вакансіі.

Ірына АСТАШКЕВІЧ

Загаловак у газеце: Важна забяспечыць індывідуальны падыход

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.