У жмінды піпка без тытуню

Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».

Ці ведалі вы, што:

імша́ — у каталіцкай царкве літургія, ці абедня;
крыша́н — адрэзаны плоскі кусок чаго-небудзь ядомага;
жмі́нда — вельмі скупы чалавек, скнара;
пі́пка — люлька для курэння;
мязга́ — мяккая частка дрэва паміж карой і драўнінай;
тузлу́к — раствор солі для засолу рыбы.
Рваць на сабе валасы — моцна перажываць, адчайвацца, гараваць. Беларусы яшчэ скажуць: кусаць локці, ламаць рукі. Рускія: посыпать голову пеплом.
На ўсе рукі — пра чалавека, здатнага да ўсяго, вельмі здольнага. Беларускія адпаведнікі: на ўсе сто, пашукаць такога. Рускі: высший класс.