Вы тут

Грошы вернуць на працягу месяца з дня падачы заявы


Дэкрэтам № 1 «Аб садзейнічанні занятасці насельніцтва» прадугледжана вызваленне плацельшчыкаў збору на фінансаванне дзяржаўных выдаткаў ад выплаты гэтага збору. Вяртанне збору на фінансаванне дзяржаўных выдаткаў грамадзянам будзе ажыццяўляцца на падставе іх заяў у парадку, устаноўленым заканадаўствам, паведамілі ва Упраўленні перспектыўнага развіцця і інфармацыйнай адкрытасці Міністэрства па падатках і зборах Беларусі.


Згодна з інфармацыяй падатковага ведамства, такую заяву ў сваю падатковую інспекцыю павінен падаць сам плацельшчык збору, прадставіўшы пашпарт або іншы дакумент, які сведчыць асобу грамадзяніна. Падача заявы можа быць таксама ажыццёўлена прадстаўніком зацікаўленай асобы, які дзейнічае на падставе даверанасці, аформленай ва ўстаноўленым парадку.

Вяртанне збору на фінансаванне дзяржаўных выдаткаў ажыццяўляецца адным з двух спосабаў, якія называюцца ў заяве:

  • на рахунак у беларускім банку (пры ўмове пазначэння рэквізітаў бягучага (разліковага) ці іншага банкаўскага рахунку: нумар і тып рахунку, найменне банка, код банка, код валюты);
  • наяўнымі грашовымі сродкамі з касы адасобленага (структурнага) падраздзялення адкрытага акцыянернага таварыства Беларусбанк.

Тэрмін ажыццяўлення адміністрацыйнай працэдуры — 1 месяц з дня падачы заявы. З адрасамі і рэжымам працы падатковых органаў можна азнаёміцца на афіцыйным сайце Міністэрства па падатках і зборах nаlоg.gоv.bу

Сяргей КУРКАЧ

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.