Вы тут

Таямніцу ўсынаўлення можа адкрыць толькі сам усыноўлены


Мой бацька — прыёмны сын у сваіх бацькоў (маіх бабулі і дзядулі). Ці маю я права даведацца, хто яго біялагічныя бацькі, гэта значыць мае кроўныя бабуля і дзядуля? Ці не супярэчыць гэта таямніцы ўсынаўлення? Калі такое права замацавана заканадаўствам і куды мне звяртацца?

Дар'я К., г. Мінск


На пытанне адказвае Алена СЕМЯНЮК, кансультант упраўлення натарыята і загсаў Міністэрства юстыцыі Беларусі:

— Атрымаць звесткі пра ўсынаўленне вашага бацькі можа толькі асабіста ён. Ніякім іншым асобам такая інфармацыя, згодна з заканадаўствам, не даецца.

Пасля ўсынаўлення паміж усынавіцелем (усынавіцелямі) і яго (іх) сваякамі з аднаго боку і ўсыноўленым дзіцем з другога ўзнікаюць такія ж правы і абавязкі, як і паміж бацькамі і дзецьмі, а таксама іх сваякамі па паходжанні. Усыноўленае дзіця фактычна і юрыдычна становіцца членам сям'і ўсынавіцеляў, лічыць іх сваімі кроўнымі сваякамі. Менавіта з гэтай прычыны таямніца ўсынаўлення ахоўваецца законам.

Пытанні таямніцы ўсынаўлення рэгламентуюцца ў артыкуле 136 Кодэкса Рэспублікі Беларусь аб шлюбе і сям'і (далей — Кодэкс). Згодна з ім, суд, які вынес рашэнне аб усынаўленні дзіцяці, службовыя асобы, якія здзейснілі рэгістрацыю ўсынаўлення, а таксама асобы, тым ці іншым чынам праінфармаваныя пра ўсынаўленне, абавязаны захоўваць таямніцу ўсынаўлення дзіцяці.

Паведамляць якую-небудзь інфармацыю, выдаваць копіі рашэнняў суда, дакументы і (ці) даведкі, дзе змяшчаюцца звесткі з запісаў актаў грамадзянскага стану, па якіх можна зразумець, што ўсынавіцелі не з'яўляюцца кроўнымі бацькамі ўсыноўленага, забараняецца. Дазвол на такія дзеянні можна атрымаць са згоды ўсынавіцеляў, а ў выпадку іх смерці — са згоды органаў апекі і папячыцельства.

Усынаўленне як юрыдычны акт параджае прававыя наступствы, пра што сведчыць артыкул 134 Кодэкса. Усыноўленыя дзеці і іх патомства ў дачыненні да ўсынавіцеляў і іх сваякоў прыраўноўваюцца ў асабістых немаёмасных і маёмасных правах і абавязках да сваякоў па паходжанні. Разам з тым малыя, якіх усынавілі, губляюць асабістыя немаёмасныя і маёмасныя правы і вызваляюцца ад абавязкаў у дачыненні да сваіх бацькоў (сваіх сваякоў).

Усыноўленае дзіця па дасягненні свайго паўналецця (18 гадоў) або ў выпадку набыцця дзеяздольнасці ў поўным аб'ёме мае права атрымаць звесткі пра сваё ўсынаўленне. Для гэтага яму трэба звярнуцца ў суд, які вынес рашэнне аб усынаўленні. Пра сваё ўсынаўленне чалавек можа даведацца таксама, звярнуўшыся па месцы знаходжання запісу акта аб усынаўленні ці ў орган апекі і папячыцельства па месцы жыхарства ўсынавіцеляў.

Шаноўныя чытачы, калі ў вас узніклі пытанні юрыдычнага характару, дасылайце іх на наш паштовы або электронны адрас sіdаrоk@zvіаzdа.bу. У «Прававой гасцёўні» разам са спецыялістамі Мінюста і іншых устаноў мы будзем шукаць на іх адказы.

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.