23 Верасень, нядзеля

Вы тут

Што чакае судовую сістэму?


Адзіны працэсуальны кодэкс і пераход на апеляцыю.

У Беларусі знізілася колькасць крымінальных спраў ды грамадзянскіх і эканамічных спрэчак. Пры гэтым павялічыўся аб'ём адміністрацыйных правапарушэнняў, у прыватнасці за дробнае хуліганства, крадзяжы і распіццё спіртнога ва неўстаноўленых месцах. Чакаецца, што ў краіне з'явіцца поўная версія адзінай інфармацыйнай сістэмы судоў агульнай юрысдыкцыі, а медыяцыю можна будзе прымяняць і ў крымінальных справах, паведаміў Валерый КАЛІНКОВІЧ, першы намеснік старшыні Вярхоўнага суда Беларусі.


Летась у Беларусі на пазбаўленне волі было асуджана крыху больш як 12 000 асоб. З іх пяцёра — да пакарання смерцю, трое — да пажыццёвага зняволення. Разам з тым суды актыўна прызначалі такія крымінальныя пакаранні, як грамадскія работы, грашовыя штрафы, абмежаванне свабоды. Тым не менш больш як трэцяя частка ўсіх асуджаных — гэта асобы, якія здзейснілі рэцыдыў злачынства, што значна паўплывала на прысуджэнне пакарання праз пазбаўленне волі, заўважыў ён.

Прадаўжаецца работа па развіцці і ўкараненні ў практыку элементаў электроннай судовай вытворчасці, перадавых інфармацыйных тэхналогій. На сайце Вярхоўнага суда ўжо ёсць адпаведны раздзел, які выкарыстоўваецца ў асноўным для эканамічнага правасуддзя.

Да 2020 года плануецца завяршыць распрацоўку і ўкараніць поўную версію адзінай інфармацыйнай сістэмы судоў агульнай юрысдыкцыі, якая дазволіць істотна аблегчыць збор, апрацоўку і атрыманне інфармацыі, у тым ліку і для ўзаемадзеяння са СМІ.

Ужо летам пачне працаваць апеляцыйны парадак разгляду скаргаў і пратэстаў на судовыя рашэнні па грамадзянскіх справах, якія не ўступілі ў сілу, дадаў Валерый Калінковіч:

— Фактычна ў асноўных відах судаводства — крымінальным і грамадзянска-эканамічным — мы канчаткова пераходзім на апеляцыю. Гэта дазволіць у гэтых відах вытворчасці завяршаць разгляд справы па сутнасці і прымаць канчатковае рашэнне ўжо на ўзроўні суда другой інстанцыі. У крымінальнай і эканамічнай судовай вытворчасці гэта ўжо цяпер працуе ў большасці выпадкаў.

Будзе прадумвацца далейшая рэформа нагляднай вытворчасці, гэта значыць пытанні перагляду судовых рашэнняў, якія ўступілі ў сілу, з пункту гледжання падстаў, на аснове якіх гэта будзе адбывацца, і тэрмінаў такой вытворчасці.

Працягваецца таксама распрацоўка палажэнняў адзінага Грамадзянскага працэсуальнага кодэкса для ўніфікацыі разгляду грамадзянскіх і эканамічных спраў і спрэчак. У ім плануецца захаваць усё добрае і эфектыўнае, што цяпер ёсць у двух працэсуальных законах. І дадаць сюды тое, чаго не хапае і што неабходна ў судовым працэсе, у прыватнасці інтэрнэт-тэхналогіі і відэа-канферэнцыі бакоў.

Што датычыцца вытворчасці па банкруцтве суб'ектаў гаспадарання, плануецца прапрацаваць пытанне аб упарадкаванні ўдзелу ў гэтых працэсах эканамічных судоў, каб максімальна выключыць рызыку карупцыйнай дзейнасці і павысіць адказнасць антыкрызісных кіраўнікоў за вынік іх дзейнасці.

Ірына СІДАРОК

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.