Вы тут

Візіт парламентарыяў у Швейцарыю запланаваны ў канцы лютага


Пра гэта паведаміў старшыня Палаты прадстаўнікоў Нацыянальнага сходу Беларусі Уладзімір Андрэйчанка.
Падчас візіту плануецца абмеркаваць шэраг пытанняў, якія датычацца ў тым ліку гандлю, інвестыцый і гуманітарнага супрацоўніцтва. Гэта спікер ніжняй палаты парламента адзначыў на сустрэчы са старшынёй камітэта па знешняй палітыцы Савета кантонаў Федэральнага сходу Швейцарыі, сустаршынёй групы сяброўства «Швейцарыя — Беларусь» Філіпа Ламбардзі.


«Рэспубліка Беларусь надае вялікае значэнне развіццю канструктыўных адносін са Швейцарскай Канфедэрацыяй. У нас няма на сёння нявырашаных праблемных пытанняў у плане двухбаковага супрацоўніцтва. Мы лічым, што ў нас ёсць вялікі патэнцыял для развіцця гэтага супрацоўніцтва. І мы адкрытыя для шырокага дыялогу па любых напрамках», — падкрэсліў Уладзімір Андрэйчанка. Старшыня Палаты прадстаўнікоў таксама звярнуў увагу на тое, што партнёрства Беларусі і Швейцарыі ў міжнародных арганізацыях наладжана плённа. Дарэчы, Філіпа Ламбардзі растлумачыў, што на стварэнне групы сяброўства ў швейцарскім парламенце паўплывала сустрэча падчас сесіі ПА АБСЕ, якая праходзіла ў Мінску.

Пасля афіцыйнай сустрэчы ў парламенце адбыўся таварыскі матч паміж камандай Прэзідэнта Беларусі Аляксандра Лукашэнкі і ветэранамі швейцарскага хакейнага клуба «Амбры-Піёта», які ўзначальвае Філіпа Ламбардзі. Матч закончыўся з лікам 11:4 на карысць каманды Прэзідэнта. Але ёсць надзея на рэванш: швейцарцы запрасілі правесці матч у адказ на сваёй тэрыторыі.

Надзея АНІСОВІЧ

Выбар рэдакцыі

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.

Эканоміка

Як вылечыць эканомiку ад каранакрызiсу?

Як вылечыць эканомiку ад каранакрызiсу?

Нягледзячы на тое што сучасны свет перажываў досыць шмат эканамiчных крызiсаў, той, што разгортваецца ў 2020 годзе, — унiкальны. 

Грамадства

Маладая актрыса Iрына Якавец: Нецiкавых роляў не iснуе

Маладая актрыса Iрына Якавец: Нецiкавых роляў не iснуе

Першым спектаклем, у якiм я ўзяла ўдзел, быў «Вясёлы Роджэр».

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт.