Вы тут

У БНТУ прайшоў турнір «Кубак палітэха»


Самыя эрудзіраваныя маладыя людзі краіны сабраліся ў мінулую суботу ў сталіцы, каб высветліць, хто з іх лепшы. У Беларускім нацыянальным тэхнічным універсітэце прайшоў ІV Рэспубліканскі турнір для навучэнцаў 7—11 класаў «Кубак палітэха».


Каля 300 маладых эрудытаў прадставілі 50 камандаў з 20 гарадоў, сярод якіх Віцебск, Магілёў, Гомель, Мазыр, Полацк, Мінск. Праграма мерапрыемства складалася з інтэлектуальных конкурсаў кшталту «Што? Дзе? Калі?», каманднай «Сваёй гульні» і «Медыя мікса». Назіралі за маладымі ўдзельнікамі вопытныя члены журы, у складзе якога былі гульцы і рэдактары беларускага тэлевізійнага клуба «Што? Дзе? Калі?» і гульні «Брэйн-рынг».

У выніку сярод юніёраў першае месца заняла каманда «Постіронія лёсу» з Гомеля, на другім месцы — Mе Gustа (Віцебск) і замыкае тройку лідараў «Карл-Маркс-штадт» (Мінск). У ювеналаў месцы размясціліся наступным чынам: на першым — каманда з Лагойска «Вялікі прайгравальнік», на другім і трэцім — мінскія каманды «Бохан» і «Бананатэхналогіі» адпаведна.

Паводле слоў старшыні прафсаюзнага камітэта ППА студэнтаў БНТУ Анастасіі Барабанавай, падобныя мерапрыемствы дапамагаюць і бліжэй пазнаёміць дзяцей з універсітэтам. «Сярод удзельнікаў тут сабраліся навучэнцы школ, гімназій і ліцэяў. Гэта нашы патэнцыйныя абітурыенты. Мы знаёмім дзяцей з усёй краіны адзін з адным і з магчымасцямі БНТУ. Затым у сяброўскай абстаноўцы праводзім інтэлектуальныя гульні. Дарэчы «Кубак палітэха» сёлета стаў яшчэ і этапам Вялікага кубка Беларусі. Вынікі ўлічваюцца як адборачны этап у рэспубліканскім турніры сярод усіх школ краіны», — адзначыла Анастасія Барабанава.

Ілья КРЫЖЭВІЧ

Загаловак у газеце: Эрудыты сабраліся ў БНТУ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.