У апошнія дні студзеня ў Мінску прайшлі чэмпіянаты Беларусі па шашках-64 сярод мужчын і жанчын. У фінальнай частцы турніраў за перамогу змагаліся ўсе наймацнейшыя шашысты і шашысткі краіны.
Напрыклад, у мужчынскім турніры гулялі чатыры міжнародныя гросмайстры, і ўсе яны ўдзельнікі леташняга чэмпіянату свету па шашках-64 у Санкт-Пецярбургу. Пераможцам 12-ы раз стаў сталічны міжнародны гросмайстар Андрэй Валюк, які трэці раз запар заваяваў гэты тытул. У вырашальным мікра-матчы спартсмен дамогся ўпэўненай перамогі над дасведчаным майстрам спорту з Гомеля Раманам Протчанкам, набраўшы 19 ачкоў. Адзначым, што Андрэй Валюк таксама трохразовы чэмпіён свету і Еўропы.
Сярэбраны медаль заваяваў міжнародны гросмайстар з Ваўкавыска Ігар Міхальчанка, які набраў 18 ачкоў, трэцяе месца ў міжнароднага майстра з Гродна Сяргея Садоўскага, які набраў таксама 18 ачкоў.
Чэмпіёнкай Беларусі другі раз запар стала Вера Хвашчынская з Бабруйска, якая набрала 16 ачкоў і апярэдзіла сваіх саперніц на два балы. Сярэбраным і бронзавым прызёрамі сталі добра вядомыя сталічныя спартсменкі — Анастасія Барышава і Дар'я Федаровіч.
Яўген Салановіч, майстар спорту
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
