Вы тут

Топ-3 цікавых навін замежжа


У феміністак з'явіцца свой востраў

Улетку 2018 года адкрыецца новы курорт на востраве паблізу Фінляндыі, на які будзе закрыты доступ мужчынам. Гэта будзе раскошнае месца для аздараўленчага адпачынку выключна ў жаночай кампаніі, паведамляе The New York Post.

Крысціна Рот, аўтар ідэі і заснавальніца курорта, расказала, што падчас свайго адпачынку заўважыла, як жанчыны рэагуюць на мужчын: усе становяцца больш напружанымі і ўспамінаюць пра касметыку. Ёй захацелася стварыць такое месца, дзе жанчыны змогуць расслабіцца па-сапраўднаму і сканцэнтравацца на сабе. Курорт пад назвай SheІsland на востраве непадалёк ад узбярэжжа Фінляндыі адкрыецца для турыстак у ліпені.


Скраў і перапрадаў... дарогу

Жыхар кітайскай вёскі Суцянь выкраў 800 метраў бетоннай дарогі і перапрадаў яе, паведамляе выданне South Chіna Mornіng Post.

Паліцыя правінцыі Цзянсу высветліла, што каля зніклай дарогі бачылі грузавы аўтамабіль са смеццем, за рулём якога сядзеў адзін з мясцовых жыхароў — беспрацоўны мужчына па імені Чжу. Пры допыце ён прызнаўся ў арганізацыі крадзяжу. «У апошні час гэтай дарогай не асабліва карысталіся, вось я і падумаў, чаму б не зрыць яе...», — сказаў ён. Каб рэалізаваць свой план, зламыснік наняў экскаватар і некалькі грузавікоў. За адну ноч яны знялі дарожнае палатно шырынёй 3,5 метра. Чжу прадаў 500 тон абломкаў бетону па 10 юаняў за тону і зарабіў 5000 юаняў (звыш 1600 рублёў).


Хімікат выратуе ад аблысення?

Навукоўцы прапанавалі змагацца з аблысеннем з дапамогай хімікату, які змяшчаецца ў бульбе-фры, паведаміла выданне Metro.

Група японскіх навукоўцаў змагла выгадаваць зародкі валасяных фалікулаў, выкарыстоўваючы полідыметылсілаксан. Гэта рэчыва дадаецца ў бульбу фры, каб алей, у якім яна гатуецца, не пеніўся. Яно таксама прапускае праз сябе кісларод — гэта і спатрэбілася для вырошчвання валасяных фалікул. «Масавая вытворчасць стала магчымай дзякуючы ўдаламу выбару зыходных матэрыялаў для сасуда, у якім мы вырошчвалі зародкі», — растлумачыў прафесар Дзюндзі Фукуда з універсітэта Ёкагамы. З дапамогай полідыметылсілаксана атрымалася вырасціць пяць тысяч зародкаў. Іх перасадзілі мышам, і праз некалькі дзён у тых выраслі пучкі валасоў. Фалікулы, паводле слоў Фукуда, «паўтараюць жыццёвы цыкл звычайных валасоў». Папярэднія эксперыменты даказалі, што метад спрацуе і для чалавека.

Іван Купарвас

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.

Грамадства

Птушкі, людзі, цытаты з класікаў: хто, як і навошта расфарбоўвае гарады

Птушкі, людзі, цытаты з класікаў: хто, як і навошта расфарбоўвае гарады

 Карэспандэнт «Звязды» сустрэлася з мастаком Аляксандрам Благіем.

Грамадства

На лячэнне і паляванне. Што прыцягвае замежнікаў у Беларусі?

На лячэнне і паляванне. Што прыцягвае замежнікаў у Беларусі?

​Беларускія санаторыі перасталі быць месцам адпачынку пераважна пажылых людзей.

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці